Лавров Россия Европанын кээ бир мамлекеттери менен алакага даяр экенин айтты

© Фото / Пресс-служба МИД РФ / Медиабанкка өтүүРоссия ТИМ жетекчиси Сергей Лавров
Россия ТИМ жетекчиси Сергей Лавров - Sputnik Кыргызстан, 1920, 16.09.2021
Жазылуу
НовостиTelegram
Россия ТИМинин жетекчиси Брюсселдеги кимдир-бирөөлөр ансыз да сууп турган эки тараптуу мамилеге "Түндүк агым – 2" долбоору боюнча маселени байлагысы келип жаткандыгын кыйытты.

БИШКЕК, 16-сен. — Sputnik. Россия Брюсселдин ким менен мамиле кура турганы боюнча чечимин күтүп отурбайт, Евробиримдиктин алакага даяр болгон өлкөлөрү менен байланыш түзө берет. Бул тууралуу Россия ТИМ жетекчиси Сергей Лавров ЕБдин дипломатия башчысы Жозеп Боррелдин сөзүнө комментарий кылып жатып айткандыгын РИА Новости жазды.

"Кечээ Евробиримдиктин тышкы саясат боюнча кызматынын жетекчиси Жозеп Боррелдин сөзүн ЖМКлар жазды. Анда "Россия менен бир добуштан туруп гана сүйлөшүүбүз керек, Россия ЕБ менен эмес, кээ бир мүчө өлкөлөр менен катташкысы келет. Биз алардын Россиядан Евробиримдик менен сүйлөшүүсүн талап кылышына жетишибиз керек" деп айтканын кабарлашты", — деген министр журналисттерге.

ТИМ жетекчиси буга таң калганын билдирген.

"Өтө кызык, таң калычтуу логика болуп жатат. Себеби Брюссель менен мурдагы түзүлгөн мамилени биз эмес, Евробиримдик бузду. Баарын ЕБ уратты. Албетте, ушундай абал түзүлүп жатса, алар кайрадан калыбына келтирүүнү каалабаса, алардын ою качан өзгөрөт деп биз күтүп отура бербешибиз турган иш. Ким даяр болсо (Европа мамлекеттери – ред.), алар менен байланыш түзө беребиз", — деген Лавров.

Германиянын канслери Ангела Меркель. Архив - Sputnik Кыргызстан, 1920, 16.02.2021
Кымбатка түштү: Европа Россиянын айынан миллиарддаган чыгым тарткан
Министр дагы бир ойдун учугун таштады. Эгерде логикага таяна турган болсок, "Россия менен болгон байланыш, алака боюнча маселесин эч ким өз алдынча чечпеши керек, баары Евробиримдик аркылуу жасалууга тийиш". Балким, Брюсселде кимдир-бирөө "Түндүк агым – 2" долбооруна болгон азчылыктын агрессивдүү учугун жалгаштыргысы келип жаткандыр деген маанайда сөзүн бүтүрдү.

Россиянын Батыш менен мамилеси Украинадагы мамлекеттик төңкөрүштөн жана Донбасстагы абалдан кийин начарлап кеткен. Москва Батыштын катарлаган санкцияларына жооп катары ага окшош кадамдарга барган. РФ Украинадагы чатактын тарапташы эмес экендигин жана жөнгө салуу боюнча Минск макулдашуусунун субъектиси эмес экендигин бир нече ирет айткан эле.

Жаңылыктар түрмөгү
0