Медиктер апрель айынын кошумча маянасын качан алары айтылды

© Фото / пресс-служба Минздрава КРИммунизацию населения в Джалал-Абадской области
Иммунизацию населения в Джалал-Абадской области - Sputnik Кыргызстан
Жазылуу
Кошумча эмгек акы коронавирус жуктургандарды аныктоо, дарылоо иштерине катышкан медиктерге чегерилет.

БИШКЕК, 8-май — Sputnik. Апрель айында коронавирус менен күрөшкөн медицина кызматкерлерине кошумча маяна төлөө үчүн 104,5 миллион сом бөлүндү. Бул туурасында социалдык блокту тескеген вице-премьер Аида Исмаилова брифингде билдирди.

Анын айтымында, Саламаттык сактоо министрлигине кошумча эмгек акы төлөө боюнча 233 медициналык мекемеден арыз түшкөн.

“Кошумча маяналар саламаттык сактоо мекемелерине түз которулат. Ачык-айыкындуулук үчүн ар бир уюмда кошумча эсеп ачылган. Каражаттын максаттуу бөлүштүрүлүшүнө жетекчиси жоопкер болот. Бүгүнкү күндө 87 мекемеге 37,5 миллион сом которулду. Калганына 10-майга чейин түшөт. Андан соң медиктердин колуна тиет. Эгер кимдир бирөөгө берилбей калса, кайрылыңыздар. Бул маселе биздин көзөмөлдө”, — деди вице-премьер.

Ошондой эле Исмаилова март айында кээ бир медиктер техникалык мүчүлүштүктөрдөн жана банктык реквизиттери туура эмес жазылып калганынан улам кошумча маяна ала албай калганын кошумчалады. Ал маселе чечилгенин айтып, жакында акча картага которула турганын убадалады.

“Март айында медиктерге кошумча 38,5 миллион сом бөлүнгөн. Андан 6 065 медицина кызматкерине 35,2 миллион сом төлөнүп берилди. Айрым такталбай калган маалыматтарды анализдеп чыктык. Ошондуктан кечигүү да болду. Кошумча акы коронавирус жуктургандарды аныктоо, дарылоо иштерине катышкан медиктердин иштеген күнү, сааты боюнча эсептелип чегерилет”, — деди Исмаилова.

Вице-премьер медицина кызматкерлерине негизги жумушу үчүн төлөнө турган маянасы өз убагында берилгенин белгиледи.

Эскерте кетсек, медиктерге стимул иретинде берилип жаткан сый акылар элден чогулган акчадан бөлүнүүдө. Бүгүнкү күндө атайын эсепке 137 миллион сом келип түштү.

Коронавирустун кесепети

Аппарат менен дем алып... COVID-19дан дарылаган оорукананын ичинен видео - Sputnik Кыргызстан
Аппарат менен дем алып... COVID-19дан дарылаган оорукананын ичинен видео
Кыргызстанда коронавируска кабылгандардын саны 906га жетип, анын ичинен 650сү айыгып чыкты. Тилекке каршы, 12 бейтап каза болуп калды. 

Өлкөдө учурда абал кандай болуп жатканын Sputnik Кыргызстан агенттиги жүргүзгөн тексттик трансляциядан билүүгө болот.

Sputnik редакциясы карантин учурунда ар тараптан жардам бере турган кызматтардын ишеним телефондорун жана облустардагы комендатура, штабдардын номерлерин жарыялаган

Кабарларды ыкчам, ыңгайлуу шартта окуу үчүн Telegram каналыбызга баш багыңыз.

Жаңылыктар түрмөгү
0