Кадрдан дарыгердин коргоочу кийим кийгенден тартып бейтаптардын абалын текшергенге чейинки учурду көрүүгө болот. Оор абалда жаткандардын жасалма дем алдыруучу аппаратка кошулганы көрсөтүлгөн.
Аталган оорукананага коронавирус жуктурган 334 адам түшкөн. Ал жайда иштеген дарыгерлер 179ун айыктырып үйүнө чыгарды. Бүгүнкү күндө оор абалда үч, жандандыруу бөлүмүндө үч бейтап дарыланууда. Тилекке каршы, вирус беш адамдын өмүрүн алып кеткен.
Саламаттык сактоо министрлиги Республикалык жугуштуу оорулар клиникалык ооруканасы көп адамды дарылап жатканына карабай, бир да медицина кызматкери коронавирус жуктурбаганын белгилейт.
