БИШКЕК, 8-июл. — Sputnik. КМШга мүчө өлкөлөр өз аймактарында Көчмөндөр оюндарын жарнамалай турганын маданият, маалымат жана туризм министринин орун басары Азамат Жаманкулов билдирди.
Бишкекте КМШга мүчө мамлекеттердин туризм боюнча кеңешинин жыйыны болуп ага аталган биримдикке мүчө мамлекеттердин КРдеги элчиликтеринин жана туризм тармагын тейлеген органдардын өкүлдөрү катышты.
Жаманкулов Көчмөндөр оюнун КМШга мүчө мамлекеттер өздөрүндө жарнамалоо боюнча сунуш жыйындын соңунда кабыл алына турчу протоколдо жазылганын кошумчалады.
Быйыл экинчи жолу өтүп жаткан Дүйнөлүк көчмөндөр оюндары Ысык-Көлдө 3-8-сентябрь күндөрү болот.
