БИШКЕК, 23-июн. — Sputnik. Флорида штатынын бийлиги Орландо аймагында эки жашар баланы тиштей качкан аллигаторду кармаганын билдирди. Бул туурасында РИА Новости Рейтер агенттигине таянып кабарлады.
Жаратылышты жана балык түркүмүндөгүлөрдү коргоо боюнча комиссиядан жырткычты издөө токтотулганын билдиришкен.
"Комиссия балага кол салган аллигатордун кармалганынан шек санаган жок", — деп жазды агенттик комиссиянын айткандарына таянып. Алар баш-аягы болуп алты аллигаторду колго түшүрүшкөн.
Эскерте кетсек, 15-июнда кечке маал Орландо шаарынан алыс эмес жерде Disney's Grand Floridian Resort & Spa деп аталган курорттук жайда аллигатор эки жашар баланы тиштеп кеткен. Атасы уулун сактап калганга аракет кылганы менен анысынан майнап чыккан эмес. Эртеси куткаруучулар суунун эки метр терең жеринен бөбөктүн сөөгүн таап чыккан.
