БИШКЕК, 30-мар. — Sputnik. "Алтын фонддогу" 20 көркөм жана 20 документалдык тасма санарипке өткөрүлүп көрсөтүүгө даярдалды. Бул тууралуу Тарых жана маданият жылын өткөрүү боюнча дирекция билдирди.
Кыргызстандын мыкты режиссерлорунун колунан чыккан чыгармалар борбордук каналдардан жана өлкөнүн кинотеатрларынан тартууланат.
Маалыматка ылайык, учурда алыскы аймактарга жеткирүү үчүн аталган тасмалардын нускасын көбөйтүү иштери жүрүп жатат.
Бул долбоордун алкагында көрөрмандар "Биринчи мугалим", "Уркуя", "Бакайдын жайыты" сыяктуу көркөм тасмалар жана "Манасчы" өңдүү даректүү фильмдерди көрө алышат.
