БИШКЕК, 30-июль — Sputnik. Ырчы Омарды бүгүн реанимациядан кардиология бөлүмүнө которушарын Талас облустук биргелешкен ооруканасынын директору Шершенбек Жумашалиев Sputnik агенттигине билдирди.
Омар каймана аты менен таанымал ырчы Өмүрбек Жанышев алдамчылыкка шектелип, шаршемби күнү Талас райондук соту аны бир ай камакка алуу чечимин чыгаргандан кийин жүрөгү кармап, Талас облустук биргелешкен ооруканасынын реанимация бөлүмүнө жаткырылган.
"Анын баары эми бейтаптын абалынан көз каран"
ИИМдин билдирүүсүнө ылайык, Талас районунун тургуну Болот Бейшеналиев укук коргоо органдарына кайрылып, Бакай-Ата районунун тургуну Нуржан Токтогулов жана Өмүрбек Жанышев (Омар) андан 40 тонна төө буурчакты "акчасын кийин беребиз" деп алышканын айтып, бирок акчасын кайтарып бере электигин билдирген. Аталган факты боюнча 2015-жылдын апрель айында Кылмыш жаза кодексинин 166-беренеси ("Алдамчылык") боюнча кылмыш иши козголгон. 21-июлда шектелип жаткан Нуржан Токтогулов кармалып, убактылуу кармоо жайына бир айга камакка алынган.
