БИШКЕК, 29-июль — Sputnik. Ырчы Омар Талас облустук ооруканасынын реанимациясына түндө жаткырылганын мекеменин директору Шершенбек Жумашалиев Sputnik маалымат агенттигине билдирди.
Жогорку соттун маалымат кызматы билдиргендей, райондук соттун чечимине ылайык, Омар 26-августка чейин камакта болот.
Жумашалиевдин айтымында, учурда Омардын абалы туруктуу жана аны укук коргоо органдарынын кызматкерлери күзөтүп турушат.
ИИМдин билдирүүсүнө ылайык, Талас районунун тургуну Болот Бейшеналиев укук коргоо органдарына кайрылып, Бакай-Ата районунун тургуну Нуржан Токтогулов жана Өмүрбек Жанышев андан 40 тонна төө буурчакты "акчасын кийин беребиз" деп алышканын айтып, бирок акчасын кайтарып бере электигин билдирген. Аталган факты боюнча 2015-жылдын апрель айында Кылмыш жаза кодексинин 166-беренеси ("Алдамчылык") боюнча кылмыш иши козголгон.
