12:33 27 Тогуздун айы 2021
Түз эфир
  • USD84.7891
  • EUR98.4232
  • RUB1.2191
Саясат
Кыскача шилтеме алуу
Орхан Инандынын Бишкекте жоголушу (48)
906 0 0

Мамлекет башчы Түркия тарап оозеки түрүндө Инанды алардын жараны экенин айтып жатканын белгилеген. Бирок расмий жоопту күтүү керектигин айтат.

БИШКЕК, 6-июл. — Sputnik. "Сапат" лицейлер тармагынын президенти, Кыргызстан жараны Орхан Инандыны кайтарып берүүнү Түркиядан талап кылабыз. Бул туурасында президент Садыр Жапаров 24.kg сайтына берген маегинде билдирди.

Жапаров Инанды жоголору менен бардык укук коргоо органдарын чогултуп, мүмкүн болушунча тезирээк табууну жана чек араларды кылдат кароону тапшырганын айткан.

“Мен ошол эле күнү (31-майда — ред.) Орхан Инанды тууралуу кенен маалымат алгам. Көрсө аны уурдоого 2016-жылдан бери үч жолу аракет кылышкан экен. Үчүнчү аракети ушул кышта болуп, аны УКМКнын кызматкерлери куткарып калган. Инанды жана анын үй-бүлөсү бул тууралуу билген. Ошондо Камчыбек Кыдыршаевич (УКМК төрагасы — ред.) Инандыга жалгыз жүрбөй, ар дайым жан сакчылардын коштоосунда болушун эскерткен. Бирок ал буга көңүл бурбай койгон”, — деди Жапаров.

Ошондой эле ал Инандыны өлкөгө кайтарууну талап кыларын баса белгилеген. Түркияга жеткирилгени тууралуу маалыматты угары менен тышкы иштер министри Руслан Казакбаевге элчини чакырып нота берүүнү тапшырганын айтат.

“Азырынча Түркия тараптан расмий жооп келе элек. Оозеки түрүндө Орхан Инанды Түркия жарандыгынан чыкпаганын, алардын жараны экенин билдирүүдө. Биз Түркиянын расмий жообун күтүшүбүз керек”, — деди Жапаров.

Орхан Инандынын жоголушу

"Сапат" лицейлер тармагынын президенти, Кыргызстан жараны Орхан Инанды 1-июндун түнүнөн бери дайынсыз болуп жаткан. Анын автоунаасы Октябрь районундагы Малдыбаев көчөсүндө Ала-Арча суусунун жээгинде эшиги ачык калган тейде табылган. Президент Садыр Жапаров аны табуу үчүн кошумча күч тартууну тапшырган. Ички иштер министрлиги Инандыны 1000ден ашуун милиционер издеп жатканын билдирген.

Кийинчерээк УКМК Орхан Инандыны эки жыл мурда уюшкан кылмыштуу топтун мүчөлөрү издеген деген маалымат тараткан.

Инандынын табылышын талап кылган жарандар Өкмөт үйүнүн алдына бир нече жолу митингге чыгышкан.

Арадан бир ай өткөндөн кийин, 5-июлда, Түркиянын президенти Режеп Тайип Эрдоган Инанды атайын кызмат тарабынан кармалып, Түркияга жеткирилгенин жар салды.

Тема:
Орхан Инандынын Бишкекте жоголушу (48)

Тема боюнча

Инанды менен кезиккен Мелис Турганбаев эмне тууралуу сүйлөшкөнүн айтып берди
Белгилер:
Орхан Инанды, Садыр Жапаров, кайтаруу, Түркия, уурдоо

ЭҢ МААНИЛҮҮ