https://sputnik.kg/20230516/akshnyn-aylasyn-ketire-turgan-masele-defolt-emes-bashka-1075348145.html
АКШнын айласын кетире турган көйгөй дефолт эмес, башка. Экономисттин пикири
АКШнын айласын кетире турган көйгөй дефолт эмес, башка. Экономисттин пикири
Sputnik Кыргызстан
Финансы министри Жанет Йеллен Конгресс карыз алуунун чегин кеңейтип бербесе АКШ 1-июндан тарта мамлекеттик карызын толугу менен тейлөөгө алы келбей калышы... 16.05.2023, Sputnik Кыргызстан
2023-05-16T13:11+0600
2023-05-16T13:11+0600
2023-05-16T13:11+0600
дүйнөдө
акш
дефолт
экономика
финансы
тышкы карыз
көйгөй
https://sputnik.kg/img/104392/73/1043927351_0:165:3055:1883_1920x0_80_0_0_8ffb2cbbd6f26b25a2e4c2838b3b1bc4.jpg
БИШКЕК, 16-май — Sputnik. АКШда дефолт жарыяланбайт, бирок улам өсүп жаткан мамлекеттик карыз өлкөнү жакындап келе жаткан экономикалык кризистен сактап кала албайт. Бул туурасында америкалык атактуу инвестор Жим Рожерс РИА Новостиге билдирген.Ал сөз болуп жаткан тенденциялардын кесепети америкалык азыркы жаштардын курагы өйдөлөгөндө көбүрөөк таасир этет деген пикирин айтты. Тагыраагы, инвестор башка мамлекеттеги кырдаалды мисал келтирди. Улуу Британияда топтолгон экономикалык көйгөйлөрдүн кесепетинен улам 1976-жылы финансылык масштабдуу кризис болгон."Улуу Британиядагылардын баары карызга батып кыйналганы эсимде. Жашоо үчүн азаптуу эле жер болуп калган. Америкада да дал ошондой болуп жатат. Андыктан бул АКШны жакшылыкка алып келбейт. Алар мамлекеттик карыздын чегин көтөрүп, жаңылап коюп, ушул сыяктуу кадамдарды жасашы мүмкүн. Бирок бул абалды кыйынчылыкка кептегенден башка эч нерсеге алып келбейт", — деген ал.Рожерс жүз жыл мурда Улуу Британиянын экономикасы дүйнөдө эң кубаттуу деп эсептелгенин, бирок акырындык менен алдыңкы ордун жоготуп, финансылык-экономикалык маселелерге тушукканын эске салды. Анын кесепетинен Эл аралык валюта фонду британиялык экономиканы сактап калуу үчүн Лондонго насыяларды шашылыш төлөөгө туура келген.Эскерте кетсек, АКШнын финансы министри Конгресске январь айында мамлекеттик карыздын чегинин 31,381 триллион долларга жеткенине байланыштуу "өзгөчө чаралардын" башталышы жөнүндө коңгуроо каккан.Ак үй Конгресстен чекти өйдөлөтүүнү талап кылууда, ал эми республикачылардын оппозициясы көзөмөлдөгөн Эл өкүлдөр палатасы бул кадамды бюджетти кыскартууга байлап жатат.Ал арада финансы министри Жанет Йеллен Конгресс карыз алуунун чегин кеңейтип бербесе АКШ 1-июндан тарта мамлекеттик карызын толугу менен тейлөөгө алы келбей калышы мүмкүн экенин билдирген.
https://sputnik.kg/20230512/aksh-defoltko-tushuksa-kyrgyzstan-ehmne-bolot-1075251192.html
акш
Sputnik Кыргызстан
media@sputniknews.com
+74956456601
MIA „Rosiya Segodnya“
2023
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
дүйнөдө, акш, дефолт, экономика, финансы, тышкы карыз, көйгөй
дүйнөдө, акш, дефолт, экономика, финансы, тышкы карыз, көйгөй
АКШнын айласын кетире турган көйгөй дефолт эмес, башка. Экономисттин пикири
Финансы министри Жанет Йеллен Конгресс карыз алуунун чегин кеңейтип бербесе АКШ 1-июндан тарта мамлекеттик карызын толугу менен тейлөөгө алы келбей калышы мүмкүн экенин билдирген.
БИШКЕК, 16-май — Sputnik. АКШда дефолт жарыяланбайт, бирок улам өсүп жаткан мамлекеттик карыз өлкөнү жакындап келе жаткан экономикалык кризистен сактап кала албайт. Бул туурасында америкалык атактуу инвестор Жим Рожерс
РИА Новостиге билдирген.
"Эгер алар мамлекеттик карыздын чегин көтөрсө, ал кадам абалды татаалданткандан башка эч нерсе жаратпайт. Америкалыктар өздөрүнүн карыздары боюнча дефолт жарыялашпайт. Алар дүйнөдөгү бардык банктарга чалып, "силерге төлөбөйбүз" деп айтпайт. Минтишпейт. Алар баарын алдап коюшу мүмкүн. Дефолт жарыялачудай түр көрсөтөт да, бирок аны жасабайт. Андан соң болгон бүткөндүн баары начарлай берет", — деген Рожерс.
Ал сөз болуп жаткан тенденциялардын кесепети америкалык азыркы жаштардын курагы өйдөлөгөндө көбүрөөк таасир этет деген пикирин айтты. Тагыраагы, инвестор башка мамлекеттеги кырдаалды мисал келтирди. Улуу Британияда топтолгон экономикалык көйгөйлөрдүн кесепетинен улам 1976-жылы финансылык масштабдуу кризис болгон.
"Улуу Британиядагылардын баары карызга батып кыйналганы эсимде. Жашоо үчүн азаптуу эле жер болуп калган. Америкада да дал ошондой болуп жатат. Андыктан бул АКШны жакшылыкка алып келбейт. Алар мамлекеттик карыздын чегин көтөрүп, жаңылап коюп, ушул сыяктуу кадамдарды жасашы мүмкүн. Бирок бул абалды кыйынчылыкка кептегенден башка эч нерсеге алып келбейт", — деген ал.
Рожерс жүз жыл мурда Улуу Британиянын экономикасы дүйнөдө эң кубаттуу деп эсептелгенин, бирок акырындык менен алдыңкы ордун жоготуп, финансылык-экономикалык маселелерге тушукканын эске салды. Анын кесепетинен Эл аралык валюта фонду британиялык экономиканы сактап калуу үчүн Лондонго насыяларды шашылыш төлөөгө туура келген.
"Бул эмнени билдирет. Бул — башка мамлекеттер өзүнүн абалын жакшыртып жатат дегендик. Британия чөгөлөп баштаганда, Америка күчтөнгөн. Азыр айлана-тегерекке көз чаптырып, Америкада эмне болуп жатканын түшүнөсүң. Жүз жылдан кийин мындан да кыйындайт. Жаштардын мурдагыдай бакубат жашоосу болбойт. Бир катар мамлекеттер биринчи орундан Американы сүрүп, кысып чыгара баштайт. Анын ким болорун мен азыр билбейм. Эгер кызыгып сурасаңар, мен, кыязы, Кытай деп жооп бермекмин", — деди экономист.
Эскерте кетсек, АКШнын финансы министри Конгресске январь айында мамлекеттик карыздын чегинин 31,381 триллион долларга жеткенине байланыштуу "өзгөчө чаралардын" башталышы жөнүндө коңгуроо каккан.
Ак үй Конгресстен чекти өйдөлөтүүнү талап кылууда, ал эми республикачылардын оппозициясы көзөмөлдөгөн Эл өкүлдөр палатасы бул кадамды бюджетти кыскартууга байлап жатат.
Ал арада финансы министри Жанет Йеллен Конгресс карыз алуунун чегин кеңейтип бербесе АКШ 1-июндан тарта мамлекеттик карызын толугу менен тейлөөгө алы келбей калышы мүмкүн экенин билдирген.
