Беков: асыл тукум музоо алуу үчүн быйыл 3 000 уй жасалма уруктандырылды
10:32 15.10.2021 (Жаңыртылды: 14:27 14.12.2021)
© Sputnik / Асель Сыдыкова
Жазылуу
Агробизнестеги атаандаштыкка жөндөмдүүлүк борборунун жетекчиси Төрөгул Беков учурда республикада малдын асыл тукумдуулугун арттыруу максатында эки чоң долбоор иштеп жатканын айтты.
Учурда мал чарбачылыгында сандан сапатка өтүү максатында эки чоң долбоор иштеп жатат. Анын бири Ысык-Көл облусунда, сүт багытындагы уйларды көбөйтүү болсо, экинчиси республиканын түштүк аймагындагы фермерлер үчүн кызмат кылат. Бул тууралуу Төрөгул Беков Sputnik Кыргызстан радиосунда маек куруп жатып билдирди.
Беков: асыл тукум музоо алуу үчүн быйыл 3 000 уй жасалма уруктандырылды
Беков: асыл тукум музоо алуу үчүн быйыл 3 000 уй жасалма уруктандырылды
Анын айтымында, быйыл 3 000 уй жасалма уруктандырылып, андан 2 000ден ашуун сүт багытындагы музоолор алынары күтүлүүдө.
"Советтер Союзу учурунда бир саан уйдан жылына 3 000 литрдей сүт алынчу. Азыр бодо малдын тукуму начарлап кеткендиктен 2 000 литрге чейин гана сүт берип калды. Ушул эле учурда Европа мамлекеттеринде жылына уйдан 8-9 миң литр сүт алышат. Ошондуктан өлкөдө малдын туягын көбөйтүү эмес, сапатын жогорулатуу маселеси жаралды. Ысык-Көл облусунда ушул тапшырманы ишке ашыруу максатында ачылган борбордо мурдагы жылы 5 000 уй жасалма уруктандырылган. Алардан биз 3 168 асыл тукум музоо алганбыз. Быйыл да бул иштер улантылып 3 000 уй жасалма уруктандырылды. Мында биздин климатка жана башка шарттарга туура келе турган породалар иликтенип, жыйынтыгында Ала-Тоо породасындагы уйлар менен күрөң щвиц породасынын букаларын аргындаштыруу каралган, — деди Беков.
Ал уйдун сүттүүлүгүн жогорулатууда бука тукуму эске алынарын кошумчалды.
