Депутаттар Жапаровго Чек ара, УКМК жана ИИМ башчыларын жазалоону сунуштады

© Sputnik / Табылды КадырбековЖогорку Кеңештин жыйын учурунда депутаттар. Архив
Жогорку Кеңештин жыйын учурунда депутаттар. Архив - Sputnik Кыргызстан, 1920, 07.07.2021
Жазылуу
Сапат" лицейлер тармагынын президенти, Кыргызстан жараны Орхан Инанды 1-июндун түнүнөн бери дайынсыз болуп жаткан.
БИШКЕК, 7-июл. — Sputnik. Жогорку Кеңештин депутаттары Орхан Инандынын өлкөдөн чыгарылып кетиши боюнча укук коргоо органдарынын маалыматын угуп токтом кабыл алды.
Ага ылайык, президент Садыр Жапаровго сунуш, Башкы прокуратура менен министрлер кабинетине тапшырмалар берилди.
Токтомдо төмөнкүлөр жазылды:
Президентке укук коргоо органдарынын, Улуттук коопсуздук мамлекеттик комитетинин, Чек ара кызматынын жетекчилигинин жеке жоопкерчилигин кароо сунушталсын.
Министрлер кабинети жана Тышкы иштер министрлиги Кыргызстандын жараны Орхан Инандыны өлкөгө алып келүү жана КР Конституциясына, эл аралык укуктук талаптарга ылайык мыйзамдуу кызыкчылыктарын коргоо боюнча бардык чараларды көрсүн;
Башкы прокуратура тарабынан адамдардын жана коомдук коопсуздукту камсыз кылуучу чет өлкөлүк атайын кызматтардын жана уюмдардын чалгындоо ишинде Кыргызстандын эгемендүүлүгүнө карата мыйзамсыз аракеттерди табуу, алдын алуу жана жоюу иштери менен алектенген, ошондой эле мамлекеттик чек араны кайтарган кызмат адамдарынын ишине укуктук баа берилсин.

Орхан Инандынын жоголушу

Ички иштер министри Уланбек Ниязбеков . Архив - Sputnik Кыргызстан, 1920, 07.07.2021
Министр Ниязбеков: тышкы чалгынчыларга бөгөт коюу ИИМдин милдетине кирбейт

"Сапат" лицейлер тармагынын президенти, Кыргызстан жараны Орхан Инанды 1-июндун түнүнөн бери дайынсыз болуп жаткан. Анын автоунаасы Октябрь районундагы Малдыбаев көчөсүндө Ала-Арча суусунун жээгинде эшиги ачык калган тейде табылган. Президент Садыр Жапаров аны табуу үчүн кошумча күч тартууну тапшырган. Ички иштер министрлиги Инандыны 1000ден ашуун милиционер издеп жатканын билдирген.

Инандынын табылышын талап кылган жарандар Өкмөт үйүнүн алдына бир нече жолу митингге чыгышкан.
Арадан бир ай өткөндөн кийин, 5-июлда, Түркиянын президенти Режеп Тайип Эрдоган Инанды атайын кызмат тарабынан кармалып, Түркияга жеткирилгенин маалымдады.
Жаңылыктар түрмөгү
0