БИШКЕК, 22-фев. — Sputnik. Өкмөттүн кезектеги жыйынында вице-премьер Даир Кенекеев 2015-2017-жылдары коррупцияга каршы күрөшүү саясатын ишке ашыруу боюнча жасалган иштердин жыйынтыгы боюнча маалымат берди.
Жыйында бир катар мекеменин жетекчилерине сөгүш жарыяланды. Алар:
Архитектура, курулуш жана турак жай-коммуналдык чарба мамлекеттик агенттигинин статс-катчысы Самат Бөрүбаев;
Финансы рыногун жөнгө салуу жана көзөмөлдөө мамлекеттик кызматынын статс-катчысы Абдухалык Шамшиев.
Андан тышкары эскертүү берилген аткаминерлер:
Саламаттык сактоо министри Талантбек Батыралиев;
Юстиция министри Уран Ахметов;
Маданият, маалымат жана туризм министрлигинин статс-катчысы Бактыбек Секимов;
Маалыматтык технологиялар жана байланыш мамлекеттик комитетинин төрагасы Нурбек Абасканов;
Мамлекеттик мүлктү башкаруу боюнча фонддун статс-катчысы Илияз Ташбаев;
Курчап турган чөйрөнү коргоо жана токой чарбасы мамлекеттик агенттигинин статс-катчысы Азамат Эркебаев.
