БИШКЕК, 5-ноя. — Sputnik. АКШнын Калифорния штатында бал челек жүктөп бара жаткан унаа жол кырсыгына кабылып миллиондогон аарылар кырылып калды. Бул тууралуу РИА Новости Fox 40 телеканалына шилтеме берүү менен жазды.
Жандыктарга ээлик кылган балчынын айтымында, унаа түндөсү кырсыкка кабылган. Андан соң катуу жамгыр жаагандыктан аарыларды суу каптап баары өлүп калган. Алардын баасы бир миллиондон эки миллион долларга чейин жетери айтылат.
Унаа аарыларды Монтана штатынан Колифорнияга алып бара жатканда Оберн шаарында кырсыктаган. Айдоочу жеңил жаракат алып ооруканага жеткирилген.
