22-декабрда Кыргызстанга расмий иш сапары менен келген Ирандын президенти Хасан Роухани менен кыргыз президенти Алмазбек Атамбаев кыргыз-иран мамилелерин талкуулап, кызматташуулар боюнча бир катар документтерге кол коюшту.
Иран президентинин иш сапарынын алкагында кыргыз-иран бизнес-форуму өтүп, ал тараптардын соода-экономикалык мамилелерин чыңдоо менен бирге кызматтык байланыштарды күчөтүүгө шарт түздү.
КР Тышкы иштер министрлигинин маалыматына караганда Кыргызстан менен Ирандын ортосундагы дипломатиялык байланыштар 1992-жылы 10-майда түзүлгөн. 1993-жылы Бишкек шаарында Ирандын элчилиги ачылса, 1996-жылы март айында Тегеран шаарында Кыргызстандын элчилиги ачылган. Ал эми 2002-жылы Бишкекте эки мамлекеттин ортосундагы достук мамиле тууралуу декларациягы кол коюлган.
Алмазбек Атамбаев Иран мамлекетинин президентин күтүү учурунда
Хасан Роухани эки мамлекет ортосундагы виза режиминин жокко чыгарылышын Иран колдой турганын билдирди
Кыргызстан менен Ирандын ортосундагы дипломатиялык байланыштар 1992-жылы 10-майда түзүлгөн
Жолугушууга массалык маалымат каражаттарынын өкүлдөрү көз салып турду
Тар чөйрөдө соода-экономикалык мамилелерди жакшыртуу боюнча сүйлөшүү болду
Иран Кыргызстан менен энергетика тармагы боюнча кызматташууга кызыкдар экенин Алмазбек Атамбаев эки тараптуу кеңейтилген жыйында сөз кылды
Иран тарап ЕАЭБ менен кызматташууга, транзит маселесин жолго коюу кызыкдар
Иран президенти Хасан Роухани менен Кыргызстандын президенти Алмазбек Атамбаев "Ала-Арча" резиденциясында
Президенттер дүйнөдө болуп жаткан терроризмди катуу сындай тургандыктарын айтып, бул жааттагы кызматташуу боюнча документтерге кол коюлду
Жолугушуу бүткөндөн кийинки өз окурмандарына маалымат жеткирүүгө ашыккан ММК өкүлдөрү
2002-жылы Бишкекте эки мамлекеттин ортосундагы достук мамиле тууралуу декларациягы кол коюлган
