Ырчы Бейше: “Ала-Тоо” мекенге болгон сагынычымды билдирген ыр болду
17:05 12.10.2026 (Жаңыртылды: 17:55 16.10.2026)

© Sputnik / Элдияр Асылбеков
Жазылуу
“Стимул” уктуруусунда Келдибек Тургунбаевдин “Ала-Тоо” чыгармасын кемелине келтире аткарып, калың элге таанылып жаткан ырчы Бейше Махабат уулу конокто болду.
Анын айтымында, ырчы алты жыл чет өлкөдө иштеп, ушул жылдын башында эле мекенине кайтып келген. Мекенге болгон сагынычынан улам “Ала-Тоо” чыгармасын аткарып чыккан, ыр эл тарабынан жакшы кабыл алынган.
“Кыргыз-Түрк “Манас” университетинен музыкалык билим алгандан кийин Түркияда жана Россияда эмгектендим. Адистигиме байланышпаган жумуштарда да иштеп көрдүм, бирок чыгармачылыктан алыстай алган жокмун. Ошентип, билинбей эле алты жыл өтүп кетиптир. Мекениме кайтып келгенден кийин канчалык сагынганымды сездим. Мекенимди даңазалаган, сөзү жана обону Келдибек Турганбаевге таандык “Ала-Тоо” чыгармасын кавер түрүндө аткарып чыктым. Эл жакшы кабыл алып, социалдык тармактарда кеңири тарап кетти. Ырды кавер түрүндө аткаргандыктан, алгач автордон уруксат алган эмесмин. Кийин жубайы менен байланышып, аларга ырдын аткарылышы жакканын билдим. Андан соң автордун өзү менен жолугуп, батасын алып, клип тарттым. Башында жасалма интеллект ырдап жатат деп ишенбей жаткандар көп болду. Ошондуктан ар бир аткаруумдан кийин акапелла ырдап берүүм да бара-бара салтка айланып баратат”, — деди ырчы.
Ошондой эле ал Россияда иштеп жүргөндө катышкан “Ну-ка, все вместе!”, “Музыкальная интуиция” долбоорлору тууралуу да кенен айтып берди.