БИШКЕК, 23-июл. — Sputnik. Бишкек шаарынын борбордук аянтында жайгашкан тарых музейинде чыккан өрттөн экспонаттар жана имарат жабыркаган жок. Бул тууралуу ӨКМдин маалымат кызматы билдирди.
Белгилей кетсек, 22-июлда саат 22:12де чыккан өрт саат 04:42де толугу менен өчүрүлгөн. Тилсиз жоонун алдын алууга 5 өрт өчүрүүчү автоунаа, 60дан ашык куткаруучу, "Тазалык" ишканасынан 5 кызматтык унаа, тез жардам кызматынын беш бригадасы, Биринчи Май райондук ИИБдин 50 кызматкери жана 10 даана кызматтык унаа тартылган.
"Өзгөчө кырдаалдар министрлигинин ыкчам чараларынан улам өрт убагында чектелип, өчүрүлдү. Музейдин имараты жана экспонаттар жабыр тарткан жок", — деп айтылат билдирүүдө.
Тилсиз жоонун алдын алуу учурунда ӨКМдин бир кызматкери бутунан жаракат алып ооруканага жеткирилсе, он кызматкер иске ууланган. Жабыркаган жарандардын барына медициналык жардам көрсөтүлгөн.
Өрттүн чыгуу себептери такталууда.
Өкмөттүн берген маалыматы боюнча музейде кыргыз элинин маданиятын, тарыхын чагылдырган 135 миңдей экспонат, артефактар бар.
Өрт чыккан Тарых музейиндеги кадрларды Sputnik Кыргызстан видеосунан көрүңүздөр>>
