БИШКЕК, 23-июл — Sputnik. Тарых музейдеги өрттү өчүрүүдө ӨКМдин эки аскери жабырланды деп билдирдиокуя болгон жерде жүргөнSputnik Кыргызстандын кабарчысына ӨКМдин өкүлү.
Анын айтымында, куткаруучулардын бири бутун кокустатып алып, аны Тез жардам алып кетти.
"Экинчиси иске ууланып, медиктер жеринде жардам көрсөтүп жатышат ", — деди ал.
Буга чейин Бишкек мэриясынын маалымат кызматынан жетекчиси музейдин имаратында экспонаттарды коопсуз жайга көчүрүү иштери башталып, ал жерде учурда 30га чукул киши иштеп жаткандыгын билдирген. Ал кычкылтектин жетишсиздиги абалды бир топ оордотуп жаткандыгын да айткан эле.
"Азырынча түтүндүн кайдан келип жаткандыгы түшүнүксүз болуп жатат. Акыркы маалыматтарга караганда, ал биринчи кабаттын дубалдарынан чыгууда. Азырынча анын себеби белгисиз", — деди ал.
ӨКМ Бишкектин борборунда жайгашкан Тарых музейи өрттөнүп жаткандыгын билдирген.
Тилсиз жоо тууралуу кабар "101" кызматына түнкү саат 10дон өткөндөн кийин келип түшкөн. Алар өрт музейдин кампасынан башталган деген маалыматтарды берген.
Мындан бир нече күн мурда тагыраагы, 14-июлда да музейдин чатырындагы 20 чарчы метр айнеккебез өрттөнгөн. Анын ширетүү иштеринде өрт коопсуздугу эрежелеринин бузулушунан улам болгондугу кабарланган.
Мамлекеттик Тарых музейи 1925-жылы негизделген. Ал эми азыркы имараты 1984-жылы салынган. Ал — Борбордук Азиядагы эң ири музейлердин бири. Бул жерде 135ге миңге чукул экспонаттар жана кыргыз элинин маданий, тарыхый уникалдуу эстеликтери сакталып келет.
