БИШКЕК, 11-июл. — Sputnik. "Соттолуп жаткан Азимжан Аскаровдун иши боюнча адилеттүү чечим чыгат деп ишенем", — деген пикирин президенттик аппараттын тышкы саясат бөлүмүнүн башчысы Сапар Исаков брифинг маалында билдирди.
Исаковдун айтымында, 13-14-июлга белгиленген канцлердин иш сапары Аскаровдун сот иштерине байланыштуу эмес.
"Жыйынтык кандай болорун билбейм, сотко биз эч кандай таасир кыла албайбыз. Кандай гана чечим болбосун биз аны кабыл алышыбыз керек. Бул нерсеге дүйнө коомчулугу көз салып турат. Мен соттор акыйкат чечим кабыл алат деп ишенем. Андыктан анын жыйынтыгын күтөлү", — деди ал.
Кыргызстандын жараны Азимжан Аскаров сот органдары тарабынан улут аралык араздашууну тутандырып, массалык башаламандыктарды уюштургандыгы, ошондой эле 2010-жылдын июнь айында Ошто болгон кайгылуу окуялар учурунда укук коргоо органында иштеген кызматкерди ырайымсыз түрдɵ ɵлтүрүүгɵ катыштыгы үчүн соттолгон. Куралсыз 13 милиция кызматкери нааразы болгон топко түшүндүрүү иштерин жүргүзүп баштаганда, ал топ тартип коргоо органдарынын өкүлдөрүн аёосуз сабап, ал эми аймактык милиционер Сулаймановду өлтүрүп, өрттөп жиберишкен.
ЕККУнун демократиялык институттар жана адам укугу боюнча бюросу менен Прессанын эл аралык институту дагы Азимжан Аскаровду бошотууну талап кылган.
Аскаровдун иши кайра кароо жараяны анын жактоочусунун берген арызында болмокчу. Анда жаңы жагдайлар ачылгандыгын айтышкан.
