БИШКЕК, 10-июл. — Sputnik. Испанияда коррида учурунда жаалданган бука тореадорду өлтүрө сүзгөнүн РИА Новости EFE агенттигине шилтеме берүү менен билдирди.
Бул каргаша 1985-жылдан бери матадор өлгөн алгачкы окуя. Ал Теруэл шаарындагы аренада болгон. Жаалданган бука 29 жаштагы Виктор Барриону мүйүзү менен челип, ал жерге жыгылып калганда үстүнөн дагы тебелеп кеткен. Тореадорду ооруканага алып келишкени менен дарыгерлер анын өмүрүн сактап кала алган эмес.
Бул каргашалуу окуя 21-кылымда катталган коррида учурунда тореадордун алгачкы өлүмү. Буга чейинки окуя 1992-жылы катталган. Анда аренада эки бандерильеро (тореро, буканы узун таяк менен сайган кишилер) өлгөн.
Жүз жыл ичинде Испанияда корридага тийиштиги бар 134 киши каза болгон.
