БИШКЕК, 7-апр. — Sputnik. Бишкек шаардык милиция Чүй проспектиси менен Курманжан Датка көчөлөрүнүн кесилишинде атышууга катыштыгы барларга издөө салып, күчөтүлгөн тартипте иштеп жатат. Бул тууралуу Sputnik Кыргызстан агенттигине Бишкек шаардык ички иштер башкармалыгынын маалымат кызматы билдирди.
Шаршемби күнү Октябрь районунда аталган атышууга катыштыгы бар деген шек менен бир жаран кармалган. Аны кармоо учурунда каршылык көрсөткүндүктөн, милиция кызматкери тапанчадан ок чыгарууга аргасыз болгон. Мында дагы бир шектелүүчү качып кетүүгө үлгүргөн.
"Милиция күмөн жараткан унааларды токтотуп, издөө иштерин улантып жатат", — дейт маалымат кызмат.
Кылмышкерлерди кармоо үчүн Бишкек шаардык ички иштер башкармалыгынын кызматкерлери күчөтүлгөн тартипте иштөөдө.
