БИШКЕК, 6-апр. — Sputnik. Американын валютасы сомго карата кымбаттай баштады.
Кечээ, 5-апрель күнү акча алмаштыруучу жайлар аны 68 сомдон сатып алып, кайра 68,4 сомдон сатышкан. Бүгүн саат 13.10го карата доллар 69,9 сомдон сатып алынып, 70,2 сомдон сатылууда. Бир күндүн ичинде доллардын наркы эки сомго көтөрүлдү.
Ал эми анын расмий курсу тескерисинче 13 тыйынга төмөндөп, 68,87 сомдун чегинде турат.
Январда доллардын курсу 76 сомго чейин жетип, андан кийин арзандай баштаган.
