Доллар кайрадан кымбаттай баштады

© AFP / ADEK BERRYАКШ долларлары. Архив
АКШ долларлары. Архив - Sputnik Кыргызстан
Жазылуу
Бүгүн эртең менентен баштап доллардын курсу 1,2 сомго жогорулады. Муну менен бирге "жашылбай" рублге карата да кымбаттап жатат. Буга нефтиге болгон баанын төмөндөшү себеп.

БИШКЕК, 5-апр. — Sputnik. Доллардын курсу жогорулап, анын наркы акча алмаштыруучу жайларда 69,5 сомго жетти.

Бүгүн эртең менен америкалык валюта 68 сомдон сатып алынып, кайра 68,4 сомдон сатылып жаткан. 

Ал эми 15.50гө карата доллар 69,2 сомдон сатып алынып, 69,5 сомдон сатыла баштады да, 1,2 сомго кымбаттады.

Вице-премьер Олег Панкратов. Архивное фото - Sputnik Кыргызстан
Панкратов: Кыргызстан ЕАЭБдин жалпы энергетика рыногуна катышууга кызыкдар
Улуттук банктын маалыматы боюнча, доллардын расмий курсу 69 сомдун чегинде турат.

"Жашылбай" рублге карата да кымбаттап жатат. Буга нефтиге болгон баанын төмөндөшү себеп экени айтылууда. 

Brent маркасындагы нефтинин бир баррели 37,48 доллардан сатылып жатканын РИА Новости билдирди.

Москва убактысы боюнча саат 10.00гө карата доллар 34 тыйынга жогорулап, 69,04 рублге жетти.

Эскерте кетсек, январда доллардын курсу 76 сомго бааланган, анын кунун кармап туруу үчүн Улуттук банк 77,4 миллион доллар саткан. Февралдан тарта курс төмөндөп, башкы финансылык мекеме 86 миллиондон ашуун доллар сатып алган.

Жаңылыктар түрмөгү
0