БИШКЕК, 28-янв. — Sputnik. Төмөнкү Нооруз айылында жайгашкан №50 абактан качып чыккан кылмышкерлердин иши кошумча тергөөгө жөнөтүлдү. Бул туурасында соттук отурумда Свердлов райондук сотунун судьясы Санжар Чотонов билдирди.
Эскерте кетсек, үстүбүздөгү жылдын октябрь айында №50 түрмөдөн тогуз кылмышкер качып чыгып, анын бешөө ошол замат кармалган. Калган төртөө түрмөнүн төрт кызматкерин мыкаачылык менен өлтүрүп из суутуп кетүүгө үлгүргөн. Алардын үчөө кармоо учурунда жок кылынып, бирөөсү бутуна ок жеп жарадар болгон.
Свердлов райондук соту Бишкек шаардык сотундагы өткөн көчмө сот отурумунда өкүм чыгаруу үчүн тергөөнүн материалдары жетишсиз деп чечти. Мындан тышкары, кылмышкердин бири Эдил Абдрахмановго кечээ операция жасалгандыктан, ал процесске келген жок.
Соттун кийинки отуруму белгисиз мөөнөткө жылдырылганы белгилүү болду.
