БИШКЕК, 27-янв. — Sputnik. Жаза аткаруу мамлекеттик комитетинин алдындагы №47 түзөтүү колониясынын борбордук ооруканасында былтыр түрмөдөн качып чыгып кармалган Эдил Абдрахмановдун жоон санына операция жасалганын ЖАМК билдирди.
Үстүбүздөгү жылдын октябрь айында №50 түрмөдөн тогуз кылмышкер качып чыгып, анын бешөө ошол замат кармалган. Калган төртөө түрмөнүн төрт кызматкерин мыкаачылык менен өлтүрүп из суутуп кетүүгө үлгүргөн.
Алгач Абдрахманов Чүй облустук ооруканасына жеткирилип, андан кийин №47 түзөтүү колониясынын ооруканасына которулган.
Операцияны Кыргызстандагы Эл аралык Кызыл Крест миссиясы каржылады.
Абдрахманов алган жараатынан улам сот процесстерине катыша албай келет. Кезектеги сот жыйыны үстүбүздөгү жылдын 28-январына белгиленген.
