БИШКЕК, 28-янв. — Sputnik. Санитардык-эпидемиологиялык инспекция Бишкектеги №4 төрөт үйүнүн башкы дарыгерине 10 миң сом өлчөмүндө айып пул чегергенин мэрия билдирди.
Маалыматка ылайык, медициналык мекеменин таштанды челектеринин айланасы акыр-чикирге толуп, антисанитариялык абалда экени аныкталган.
Бул боюнча борбордун башкы дарыгери Бурул Алмазбекованын атына "Административдик жоопкерчилик боюнча" протокол түзүлүп, комиссияга жөнөтүлдү.
Комиссия өз жыйынында төрөт үйүнүн жетекчилигине карата 10 миң айып пул чегерүү чечимин кабыл алды.
