БИШКЕК, 27-янв. — Sputnik. Борбор калаанын мэри Кубанычбек Кулматов акы алып унаа токтотуучу жай уюштургандарга айып пул салууга буйрук берди. Бул тууралуу мэрия билдирет.
Шаар башчынын айтымында, 29-январь күнү Тоголок Молдо жана Шопоков көчөлөрүндө жайгаша турган акча төлөнүүчү унаа жайларын уюштурууга сынак өтөт. Кулматов Бишкектин аймагында унаалар атайы жайларга акысыз токтотула турганын баса белгиледи.
Мэрия борбор калаанын жетекчиси акы алып унаа токтотуучу жайларды уюштурган базар, дүкөн жана көңүл ачуучу жай ээлерине айып пул чегерүүнү ШИИБге тапшырганын белгилейт.
