БИШКЕК, 28-янв. — Sputnik. Жогорку Кеңештин депутаттары Франциянын Страсбург шаарында өтүп жаткан Европа кеңешинин парламенттик ассамблеясынын (ЕКПА) ишине катышып жатканын парламенттин маалымат кызматы билдирди.
Делегация иш-чарага Кыргызстандын ЕКПАнын "Демократия боюнча өнөктөш" статусун алышына байланыштуу катышууда.
Парламенттик делегацияны Жогорку Кеңештин конституциялык мыйзамдуулук, мамлекеттик түзүлүш, соттук-укуктук маселелер жана Регламент боюнча комитеттин төрагасы Галина Скрипкина жетектөөдө.
Андан тышкары, делегация курамында Эл аралык иштер, коопсуздук жана коргонуу комитетинин мүчөсү Чолпон Султанбекова бар.
ЕКПА — кеңешке мүчө мамлекеттердин өкүлдөрүнөн турган консультативдик орган. Ага 47 өлкө мүчө.
