БИШКЕК, 19-янв. — Sputnik. Эртең Бишкектин айрым райондорунда муздак суу өчүрүлө турганын мэрия билдирди.
"Бишкек суу каналдын" маалыматына ылайык, ичүүчү суу 20-январь күнү Сүйүнбаев көчөсүндөгү түтүктөрдөгү оңдоо иштеринен улам саат 9.00дөн кечки 20.00гө чейин болбойт.
Мында суунун берилиши Шоповок, Фрунзе, Осмонкул жана Москва көчөлөрүнүн чектешкен аймактарында чектелээри айтылууда.
