БИШКЕК, 9-янв. — Sputnik. Баткен облусунун Кызыл-Кыя шаарында ок жаракатын алган техникумдун мугалимине кечээ операция жасалды. Учурда абалы жакшы деп Sputnik Кыргызстан маалымат агенттигине шаар ооруканасынын дарыгери Абдирасул Жаңыбаев билдирди.
8 январда Өрнөк айылынын тургуну 25 жаштагы Кабылды Абылкасым уулун эч себепсиз 35 жаштагы Азамат Пахиров Макаров тапанчасы менен атып кеткен. Жабырлануучу оор абалда ооруканага жеткирилген. Окуя болгон жерден милиция кызматкерлери алты гильза жана бир ок табышкан.
Учурда ыкчам иликтөө тобу түзүлүп, Пахировду издөө иштери жүрүп жатканын Баткен облустук ички иштер башкармалыгынын басма сөз кызматынын ага инспектору Дамира Юсупова билдирди.
Ыкчам иликтөө тобу тарабынан кылмышка шектүү Азамат Пахиров изделүүдө. Азырынча табыла элек. Болжол ал боюнча Ош облусуна качып кетиши мүмкүн. Буга ылайык Баткен облусунан сырткаркы аймактарга да издөө иштери жүрүп жатат деди Юсупова.
