Жездесинин колунан жаракат алган караколдук тестиердин абалы жакшы

© Sputnik / Игорь Руссак / Медиабанкка өтүүБалдар ооруканасы. Архив
Балдар ооруканасы. Архив - Sputnik Кыргызстан
Жазылуу
Тууганы сабаган караколдук жети жашар тестиер бир жумадан кийин ооруканадан чыгарылат.

БИШКЕК, 5-янв. – Sputnik. Жездесинин колунан жаракат алган караколдук жети жашар тестиердин абалы жакшы. Учурда толук кандуу тамактанып калган. Бул тууралуу Sputnik Кыргызстан маалымат агенттигине Эне жана баланы коргоо улуттук борборунун башкы директору Камчыбек Узакбаев билдирди.

Декабрь айында Каракол шаарында жайгашкан турак жайлардын биринде өлтүрүлгөн кыздын денеси менен оор жарадар болгон бала табылган. Кылмышка шектүү катары үй-бүлөнүн тууганы кармалган. 

Дарыгердин айтымында, жети жашар Баяман башынан катуу жаракат алып, ооруканага шок абалында келген. Учурда абалы жакшырып, реанимациядан бөлмөгө которулду. 

"Кудай буйруса бала бир жуманын ичинде ооруканадан чыгарылат. Дарылоо ийгиликтүү өттү", — дейт Узакбаев.

Өспүрүм бала. Архив - Sputnik Кыргызстан
2015-жылы чоңдордун колунан 16 баланын өмүрү кыйылган
Учурда баланы ата-энеси карап жатат. Анын абалы жакшы экенин апасы дагы Sputnik Кыргызстан маалымат агенттигине тастыктады. 

ИИМдин маалыматына ылайык зөөкүр уурулук жасоо максатында үйгө кирген. Учурда кылмыш жаза кодексинин "Киши өлтүрүү" беренесинин негизинде кылмыш иши козголуп, кармалган зөөкүр Караколдун убактылуу кармоочу жайында камакка алынган.

Жаңылыктар түрмөгү
0