БИШКЕК, 5-янв. — Sputnik. Ошто жол кырсыгынан каза болгон адамдарга жалган медициналык корутунду чыгарып берген облустук оорукананын дарыгери аныкталганын Ош ОИИБ билдирди.
Маалыматка ылайык, 2014-жылдын 30-декабрында Бишкек — Ош унаа жолунун 643-чакырымында "Тойота-Раум" унаасы менен келе жаткан 20 жаштагы айдоочу рулду башкара албай жолдун четинде токтоп турган "Вольво" үлгүсүндөгү машинаны сүзүп алган.
9 Бештин айы 2015, 17:17
Алган жарааттарынан улам айдоочу жана анын жанындагы 19 жаштагы жүргүнчү ошол эле жерден каза болгон. Алардын сөөгү облустук өлүкканага жеткирилип, ал жерден оорукананын дарыгери эки жарандын өлүмүнүн себебин бурмалап койгон.
Жасалма корутунду боюнча жабырлануучулардын бири күчөп кеткен бронхит жана пневмониядан каза болсо, экинчиси ашказандагы жарасы ачылып кан кеткенден көз жумган.
Учурда аталган факты боюнча териштирүү иштери жүрүп жатат.
