БИШКЕК, 9-дек. — Sputnik. Саламаттык сактоо министрлигинде жыл башынан бери 51 коррупциялык кылмыш аракеттери аныкталганын аталган мекемеде ИИМ менен биргеликте өткөрүлгөн тегерек стол учурунда белгилүү болду.
Маалыматка ылайык, кызмат абалынан кыянаттык менен пайдалануу, пара талап кылуу, мыйзамсыз сыйлык алуу, ишенип берилген мүлктү өзүнө ыйгаруу, документ жасалмалоо, пара берүү, мамлекеттин кызыкчылыгына каршы келген келишимдерди түзүү, шалаакылык сыяктуу беренелер боюнча 18 кылмыш иши козголуп, анын төртөөнө сот тарабынан чечим чыккан.
ИИМ учурда министрликте аныкталган 33 коррупция боюнча козголгон кылмыш иши тергелип жатканын кабарлады.
