БИШКЕК, 4-янв. — Sputnik. Түштүк Корея Түндүн Корея лидери Ким Чен Ындын кандаш элдер арасындагы мамилени жакшыртуу чакырыгына көңүл бурганы менен, Пхеньян менен сүйлөшүүлөр боюнча конкретүү демилгелерди карай элек. Бул туурасында Сеул шаарында Түштүк Кореянын улуттук биримдик иштери боюнча министри Чон Чжун Хи журналисттерге билдирди.
Ким Чен Ын жаңы жылдык кайрылуусунда 1-январдан тарта Түштүк Корея менен мамилелерди жакшыртуу максатындагы диалогго даяр экендигин жар салган.
Түштүк Кореянын өкмөтүнүн өкүлүнүн айтымында, Сеул бул чакырыкка көңүл бурган. Анткени менен алар биригүү боюнча Пхеньяндан өз ара ишенимди жаратууга биргелешкен аракетти күтүп жаткандыгын айтышты.
"Өкмөттүн тынчтык жолу менен биригүүгө кадам таштап, Түндүк менен Түштүктүн дарбазаларын ачуу позициясы бекем боюнча кала берет", — деди Чон Чжун Хи.
2015-жылы эки Кореянын бийлиги мамилелерин жандандыруу боюнча диалогду баштаган. Алардын араздашуусу мындан беш жыл мурда бир катар куралдуу чатактардын улам келип чыккан. Буга чейин Түндүк менен Түштүктүн министрлеринин орун басарларынын деңгээлинде сүйлөшүүлөр бир гана ирет болуп, бирок, эч кандай жыйынтык берген эмес.
