БИШКЕК, 1-янв. — Spuntik. Жаңы жыл түнү "тез жардам" кызматына 650 кайрылуу түшүп, алардын 89у ооруканага жаткырылган. Бул тууралуу шаардык "тез жардам" кызматынан Spuntik маалымат агенттигине билдиришти.
"Үч жол кырсыгы катталып, андан төрт киши түрдүү жаракаттарды алган. Криминалдык маанайдагы 2 учур катталган. Ошондой эле, бир жарандын колунан петарда жарылып бетине тийген. Дарыгерлер ага жардам беришкен. Жабыркаган жаран ооруканага жаткырылган эмес", — деп "тез жардам" кызматы билдирди.
Андан сырткары 31-декабрда беш кишинин каза болгону боюнча билдирүүлөр келип түшкөнүн аталган кызматтан кошумчалашты.
