Баласын сатып жиберген жаранга карата кылмыш иши козголду

Жазылуу
Уулу сатылып кеткенин билген эне Кыргызстанга келген. Баланы сатып алган Малдыбаева менен жолукканда ал аны кайтарып бербесин, себеби көп акча төлөгөнүн айткан.

БИШКЕК, 5-авг. — Sputnik. Аялынын жоктугунан пайдаланып, эки жашар баласын сатып жиберген Даниярбек Мажиновге жана ымыркайды сатып алып кайтарып берүүдөн баш тарткан Чолпон Мадылбаевага карата кылмыш иши козголгонун Акыйкатчы институту билдирет.

Акча берүү. Архив - Sputnik Кыргызстан
Төрт айлык ымыркайды сатып жаткан өгөй чоң эне кармалды
Маалыматка ылайык, Токтогул районунун тургуну Анара Назаркулова бир жылдан бери баласын ала албай жатканын айтып Акыйкатчы институтуна кайрылган. Аялдын айтымында, ал 2014-жылдын апрель айында Россияга иштегени кетип, балдарын күйөөсүнө калтырган. Күйөөсү аялынын жоктугунан пайдаланып, эки жашар баласын Чүй облусунун Чолпон Малдыбаева аттуу тургунуна  50 миң сомго сатып жиберген.

Уулу сатылганын билген эне Кыргызстанга келген. Баланы сатып алган Малдыбаева менен жолукканда ал аны кайтарып бербесин, себеби көп акча төлөгөнүн айткан.

Аталган факт боюнча Назаркулова бир нече ирет укук коргоо органдарына кайрылган, бирок алар кылмыш ишин козгоодон баш тарткан.

Акыйкатчы институтунун кийлигишүүсүнөн кийин Токтогул РИИБ Мажиновге жана Мадылбаевага карата кылмыш иши козгоп, аталган жарандар издөөгө алынды.

Жаңылыктар түрмөгү
0