БИШКЕК, 3-фев — Sputnik. "2014-жылы коррупциялык мүнөздөгү 45 экономикалык кылмыштар табылып, ачылган", — деп билдирди ИИМдин Уюшкан кылмыштуулукка каршы күрөшүү боюнча Башкы башкармалыгынын жетекчиси Мирлан Каниметов.
Анын айтымында, кылмыштардын көбү Кылмыш жаза Кодексинин 304- "Кызматтан кыянаттык менен пайдалануу" жана "Пара талап кылуу" беренелери менен козголгон.
Аталган башкармалыктын жетекчиси кылмыш жоопкерчилигине кызматтагы 25 адам тартылса, анын ичинен экөөсү соттун, бешөөсү прокуратуранын кызматкерлери болгондугун билдирди.
ИИМдин маалымат кызматынан 2013-жылы экономикалык мүнөздөгү 28 кылмыш ачылгандыгын кошумчалашты.
