БИШКЕК, 21-янв — Sputnik. Украинанын Билим берүү жана илим министрлиги жогорку окуу жайлары менен мектептерге Улуу Ата мекендик согуштагы окуяларды жана Украинанын Союз жоюлганга чейинки тарыхын олуттуу кайра карап чыгуу чакырыгы менен кат таратты деп билдирет РИА Новости "Политнавигаторго" таянуу менен.
Документ Украина ССРинин немис фашисттеринин баскынчылыгынан бошотулган күнүнүн 70 жылдыгы астында таркатылганы баса белгиленет.
Ал гана эмес, министрлик "Улуу Ата мекендик согушту" "1939-жылдын сентябрында украиналыктар үчүн башталган нацизмге каршы күрөшкө алып келген Экинчи дүйнөлүк согуш" деп атоону кеңеш кылат.
Ошондой эле жаңы бийлик тарабынан фашисттерди жеңүүчүнүн даңкын бөлүштүрүүнү сунуштайт. Жаңы түшүнүктөргө ылайык, бул жеңиш ОУН-УПАнын (Украинанын көтөрүлүшчүлөр аскеринин) да эмгеги болуп эсептелет. Ал эми "Советтер Союзунун" чечүүчү ролу "Гитлерге каршы бүтүндөй коалициянын жалпы ролу" деп өзгөртүлгөн.
Эми Украина Жеңиш күнү эмес, башка күндөрдү белгилемекчи. Документте 2015-жылдын 8-9-май күндөрү "Европада согуштун аяктагандыгынын 70 жылдыгы" жана "Эскерүү жана келишүү күндөрү" деп аталат.
