БИШКЕК, 29-окт. — Sputnik. Алдын ала маалыматтар боюнча, жарык Бишкек ТЭЦтеги аварияга байланыштуу өчүп жатат. Бул тууралуу "Түндүк электр" ишканасынан кабарлашты.
"Буга байланыштуу жогорку вольттогу подстанция чыңалуусуз калган. Толук маалымат кийинчерээк берилет", — дешти ишканадан.
Буга чейин ушул эле компания жарыктын өчүшүнө башкача түшүндүрмө берген.
Белгилей кетсек, Бишкекте саат 13.10дор чамасында массалык түрдө жарык өчө баштады. Анын айынан светофорлор иштебей жол тыгыны жаралды. Ал эми Бишкек ТЭЦтен оргуштап бууга чыгып жатат.
Учурда эмне болуп жатканын Sputnik агенттигинин тексттик трансляциясынан окуңуздар.
