Мунун себебин "Түндүк электр" жогорку вольттогу подстанциянын чыңалуусу жок болуп кеткендиктен деп түшүндүрдү. Андан улам учурда Бишкектин бир бөлүгү башка линияга кошулганын айтышты.
Электр кубаты өчкөндөн көп өтпөй Бишкек ТЭЦинде адаттан тышкаркы көрүнүш болуп, катуу үндү коштогон коюу буу чыга баштаган.
"Түндүк электр" ишканасы алгач жарык ТЭЦтеги аварияга байланыштуу өчүп жатканын айткан. Бирок кийинчерээк автоматтык коргоо тутуму иштеп кеткенин билдирди.
Бишкек ТЭЦтин аймагынын бир нече жеринен уюлгуган буу чыгып жатат.
Ордо калаада болжол менен 13:10дор чамасында Бишкектин бир топ жеринде электр кубаты өчүп баштаган.
Азыр Бишкектин айрым жерлеринде жарык берүү жанданып, бирок кайра өчүп калууда.
"Түндүк электр" ишканасы алгач жарык ТЭЦтеги аварияга байланыштуу өчүп жатканын айткан. Бирок кийинчерээк автоматтык коргоо тутуму иштеп кеткендиктен буу чыкканын билдирди.
Бишкек ТЭЦинде энергетикалык жабдыктын авариялык коргонуучу системасы иштеп кеткен. Буга байланыштуу ал жактан чыккан 110 киловольттук линиянын чыңалуусу жоголуп кеткен. Бул тууралуу "Түндүк электр" ишканасынан кабарлашты.
"Электр кубаты менен камсыздаган станциянын иши 70 пайызга калыбына келтирилди. Ал эми ТЭЦтен кара буунун чыккандыгы авариялык учурда реакция кылып иштей турган система катары сыпаттады", - деди ТЭЦ директору Андрей Воропаев.
"Азырынча бир нерсе деп айтуу мүмкүн эмес. Маалыматты тактап жатабыз", — деп айтышты "Электр станциялары" ишканасынын маалымат кызматынан.
Бир нече мүнөт мурда улам өчүп күйүп жатса, азыр турукташып калды.
Бишкектин бир топ жерлеринде электр кубатынын өчүшү ТЭЦтеги аварияга байланыштуу экендигин "Электр станциялары" ишканасынан билдиришти.
Борбор калаанын бир катар аймактарында, анын ичинде борбордук бөлүктөрүндө жол чырактар иштебей жатат. Айрым жолдордогу кыймылды автоинспекторлор жөнгө салууда.
Бишкектиктердин бир катарлары үйүндө ысык суу менен жылуулуктун жоктугун айтышууда.
"Түштүк электр" ишканасынан бир нече мүнөттөн кийин толук маалымат берилерин айтышты.
Ошентип, Бишкектин бир топ бөлүгү электр кубатысыз калып, азыр кайрадан акырындап тармакка кошулууда
