https://sputnik.kg/20261016/zhaparov-ysyk-koldu-saktoo-uchun-fond-tuzuunu-sunushtady--1104333537.html
Жапаров Ысык-Көлдү коргоо үчүн БУУнун фондун түзүүгө кайрадан чакырды
Жапаров Ысык-Көлдү коргоо үчүн БУУнун фондун түзүүгө кайрадан чакырды
Sputnik Кыргызстан
БИШКЕК, 16-окт. — Sputnik. Президент Садыр Жапаров Ысык-Көлдү коргоо максатында атайын трасттык фонд түзүүнү сунуштап, Кыргызстан анын баштапкы капиталына... 16.10.2026, Sputnik Кыргызстан
2026-10-16T17:00+0600
2026-10-16T17:00+0600
2026-10-16T17:00+0600
кыргызстан
буу
армения
саммит
садыр жапаров
жаратылыш
экология
фонд
https://sputnik.kg/img/07ea/0a/10/1104333650_0:106:1280:826_1920x0_80_0_0_464c9d18e248f16865a89dfc497ae3d6.jpg
БИШКЕК, 16-окт. — Sputnik. Президент Садыр Жапаров Ысык-Көлдү коргоо максатында атайын трасттык фонд түзүүнү сунуштап, Кыргызстан анын баштапкы капиталына мамлекеттик бюджеттен 10 миллион доллар бөлүүгө даяр экенин билдирди. Мамлекет башчы бул тууралуу Армениянын Ереван шаарында өткөн БУУнун COP17 алкагындагы лидерлер саммитинде айтты. Ал акыркы 170 жыл ичинде Ысык-Көлдүн суусу дээрлик 14 метрге тартылганын белгиледи. Ал эми соңку беш жылда суунун деңгээли жылына орточо 7 сантиметрден азайып жатат. Көлдүн экосистемасын сактоо боюнча жүргүзүлгөн иштердин алкагында акыркы төрт жылда анын түбүнөн 70 тоннага жакын таштанды жана болжол менен 580 миң метр мыйзамсыз синтетикалык балык уулоочу тор алынган. Жапаров эл аралык каржы институттарын жана донор өлкөлөрдү атайын трасттык фонд түзүү демилгесин колдоого чакырды. Фонд Бириккен Улуттар Уюмунун колдоосу астында түзүлүп, Ысык-Көлдү сактоого багытталмакчы. Мындан тышкары, президент тоолуу аймактардын экологиялык туруктуулугун камсыздоо үчүн дагы бир катар демилгелерди көтөрдү. Алардын арасында Глобалдык экологиялык фонддун алкагында атайын тоо программасын түзүү, Бишкекте тоолуу аймактардын туруктуулугу боюнча глобалдык борбор ачуу, карызды жаратылышты коргоо милдеттенмелерине алмаштыруу механизмин киргизүү жана сейрек кездешүүчү жаныбарларды коргоо боюнча аймактык кызматташтыкты күчөтүү бар. Ошондой эле мамлекет башчысы дүйнөлүк коомчулукту 2027-жылдын 21–23-октябрында Бишкекте өтө турган "Бишкек+25" экинчи глобалдык тоо саммитине катышууга чакырды. Президент биологиялык ар түрдүүлүктү сактоо экономикалык саясаттын, инвестициялык пландаштыруунун жана аймактарды өнүктүрүүнүн ажырагыс бөлүгү болууга тийиш экенин белгиледи.
https://sputnik.kg/20260922/ysyk-koldu-saktoo-buu-fond-1103839557.html
армения
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, буу, армения, саммит, садыр жапаров, жаратылыш, экология, фонд
кыргызстан, буу, армения, саммит, садыр жапаров, жаратылыш, экология, фонд
БИШКЕК, 16-окт. — Sputnik. Президент Садыр Жапаров Ысык-Көлдү коргоо максатында атайын трасттык фонд түзүүнү сунуштап, Кыргызстан анын баштапкы капиталына мамлекеттик бюджеттен 10 миллион доллар бөлүүгө даяр экенин билдирди. Мамлекет башчы бул тууралуу Армениянын Ереван шаарында өткөн БУУнун COP17 алкагындагы лидерлер саммитинде айтты.
Ал акыркы 170 жыл ичинде Ысык-Көлдүн суусу дээрлик 14 метрге тартылганын белгиледи. Ал эми соңку беш жылда суунун деңгээли жылына орточо 7 сантиметрден азайып жатат. Көлдүн экосистемасын сактоо боюнча жүргүзүлгөн иштердин алкагында акыркы төрт жылда анын түбүнөн 70 тоннага жакын таштанды жана болжол менен 580 миң метр мыйзамсыз синтетикалык балык уулоочу тор алынган.
Жапаров эл аралык каржы институттарын жана донор өлкөлөрдү атайын трасттык фонд түзүү демилгесин колдоого чакырды. Фонд Бириккен Улуттар Уюмунун колдоосу астында түзүлүп, Ысык-Көлдү сактоого багытталмакчы.
Мындан тышкары, президент тоолуу аймактардын экологиялык туруктуулугун камсыздоо үчүн дагы бир катар демилгелерди көтөрдү. Алардын арасында Глобалдык экологиялык фонддун алкагында атайын тоо программасын түзүү, Бишкекте тоолуу аймактардын туруктуулугу боюнча глобалдык борбор ачуу, карызды жаратылышты коргоо милдеттенмелерине алмаштыруу механизмин киргизүү жана сейрек кездешүүчү жаныбарларды коргоо боюнча аймактык кызматташтыкты күчөтүү бар.
Ошондой эле мамлекет башчысы дүйнөлүк коомчулукту 2027-жылдын 21–23-октябрында Бишкекте өтө турган "Бишкек+25" экинчи глобалдык тоо саммитине катышууга чакырды.
Президент биологиялык ар түрдүүлүктү сактоо экономикалык саясаттын, инвестициялык пландаштыруунун жана аймактарды өнүктүрүүнүн ажырагыс бөлүгү болууга тийиш экенин белгиледи.
