https://sputnik.kg/20250729/minkab-salamattyk-saktoo-ministrligi-zholugushuu-1095592934.html
Минкаб саламаттыкты сактоодогу көйгөйлөрдү талкуулап, чечимдерди кабыл алды
Минкаб саламаттыкты сактоодогу көйгөйлөрдү талкуулап, чечимдерди кабыл алды
Sputnik Кыргызстан
БИШКЕК, 29-июл. —Sputnik. Бүгүн, 29-июлда, Адылбек Касымалиевдин жетекчилиги астында министрлер кабинетинин кезектеги жыйыны өттү. Анда саламаттык сактоо... 29.07.2025, Sputnik Кыргызстан
2025-07-29T21:18+0600
2025-07-29T21:18+0600
2025-07-30T09:34+0600
кыргызстан
кр саламаттык сактоо министрлиги
министрлер кабинети
https://sputnik.kg/img/07e9/07/1d/1095593070_0:120:2304:1416_1920x0_80_0_0_4ec6c51d1569436804496c472928856a.jpg
БИШКЕК, 29-июл. —Sputnik. Бүгүн, 29-июлда, Адылбек Касымалиевдин жетекчилиги астында министрлер кабинетинин кезектеги жыйыны өттү. Анда саламаттык сактоо жаатындагы көйгөйлөр талкууланып, бир катар чечимдер кабыл алынганын минкабдын маалымат кызматы билдирди.Жыйынга келген саламаттык сактоо министри Эркин Чечейбаев жана министрликтин ведомстволук мекемелеринин жетекчилери өкмөт башчыга төмөндөгү маселелер тууралуу маалымат берген:Ошондой эле Кыргызстанда калкты дарыгерлер менен камсыздоо деңгээли КМШ өлкөлөрүнүн ичинен эң төмөн экени кошумчаланды. Ал эми маянанын аздыгынан адистердин тартыштыгы пайда болууда. Мындан тышкары, ооруканалардын 25,8 пайызы капиталдык оңдоого, ал эми 4,6 пайызынын эскилиги жетип, жаңы имарат курууга муктаж экени белгиленди.Министрлер кабинетинин мүчөлөрү Саламаттык сактоо министрлигинин баяндамасын уккан соң кемчиликтерди жоюу максатында протоколду бекитти. Анда медицина кызматкерлеринин эмгек акысын жогорулатуу үчүн тиешелүү эсептөөлөрдү жүргүзүү, кадрлар менен камсыз кылуу маселесин чечүү сунуштарын киргизүү, дарыларды, медициналык жабдууларды сатып алууга жана саламаттык сактоо объектилерин капиталдык оңдоого бөлүнгөн бюджеттик каражаттын максаттуу пайдаланылышын көзөмөлдөөнү күчөтүү камтылган. Ошондой эле жеке менчик медициналык уюмдарга жана аларда иштеген дарыгерлерге лицензиялык талаптарды, жоопкерчиликти күчөтүү тапшырмасы коюлду.Адылбек Касымалиев президенттин 2026-жылдан тарта дарыгерлердин айлыгын көтөрүү тапшырмасын эске салып, ал жаатта иштер жүрүп жатканын белгиледи.
https://sputnik.kg/20250729/kyrgyzstan-umut-chokmorova-gepatit-1095573729.html
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, кр саламаттык сактоо министрлиги, министрлер кабинети
кыргызстан, кр саламаттык сактоо министрлиги, министрлер кабинети
БИШКЕК, 29-июл. —Sputnik. Бүгүн, 29-июлда, Адылбек Касымалиевдин жетекчилиги астында министрлер кабинетинин кезектеги жыйыны өттү. Анда саламаттык сактоо жаатындагы көйгөйлөр талкууланып, бир катар чечимдер кабыл алынганын минкабдын маалымат кызматы билдирди.
Жыйынга келген саламаттык сактоо министри Эркин Чечейбаев жана министрликтин ведомстволук мекемелеринин жетекчилери өкмөт башчыга төмөндөгү маселелер тууралуу маалымат берген:
өлкөдөгү дарыгерлердин жетишсиздиги;
ак халатчандардын айлыгынын аздыгы;
медициналык имараттардын абалы (оңдоого, башынан курууга муктаж);
медициналык жабдыктардын тартыштыгы.
Ошондой эле Кыргызстанда калкты дарыгерлер менен камсыздоо деңгээли КМШ өлкөлөрүнүн ичинен эң төмөн экени кошумчаланды. Ал эми маянанын аздыгынан адистердин тартыштыгы пайда болууда. Мындан тышкары, ооруканалардын 25,8 пайызы капиталдык оңдоого, ал эми 4,6 пайызынын эскилиги жетип, жаңы имарат курууга муктаж экени белгиленди.
Министрлер кабинетинин мүчөлөрү Саламаттык сактоо министрлигинин баяндамасын уккан соң кемчиликтерди жоюу максатында протоколду бекитти. Анда медицина кызматкерлеринин эмгек акысын жогорулатуу үчүн тиешелүү эсептөөлөрдү жүргүзүү, кадрлар менен камсыз кылуу маселесин чечүү сунуштарын киргизүү, дарыларды, медициналык жабдууларды сатып алууга жана саламаттык сактоо объектилерин капиталдык оңдоого бөлүнгөн бюджеттик каражаттын максаттуу пайдаланылышын көзөмөлдөөнү күчөтүү камтылган. Ошондой эле жеке менчик медициналык уюмдарга жана аларда иштеген дарыгерлерге лицензиялык талаптарды, жоопкерчиликти күчөтүү тапшырмасы коюлду.
Адылбек Касымалиев президенттин 2026-жылдан тарта дарыгерлердин айлыгын көтөрүү тапшырмасын эске салып, ал жаатта иштер жүрүп жатканын белгиледи.
