Кийинки жылы мамлекеттик куурчак театрынын 85 жылдыгы белгиленет
© Sputnik / Асылбек Бактыбеков
Жазылуу
Муса Жангазиев атындагы Кыргыз мамлекеттик куурчак театрынын адабий бөлүмүнүн башчысы Алтынай Темирова куурчак ойнотуу өнөрүн аркалагандар саналуу экендигин айтты.
2024-жылы мамлекеттик куурчак театрынын 85 жылдыгы белгиленет. Тарыхы бай театрдын юбилейин жогорку деңгээлде белгилөө мерчемделип жатканын Алтынай Темирова Sputnik Кыргызстан радиосунун эфиринде маек куруп жатып билдирди.
Кийинки жылы мамлекеттик куурчак театрынын 85 жылдыгы белгиленет
Анын айтымында, театрдын репертуары кыргыз жомокторунан баштап дүйнөлүк классикалык чыгармалар менен толукталып, жаш көрүүчүлөрдүн саны көбөйүп калды.
"Муса Жангазиев атындагы Кыргыз мамлекеттик куурчак театры быйыл 85-сезонун ачты. Тарыхы бай театр жылдан-жылга жеткинчектер үчүн репертуарын жаңылап, жаңы спектаклдерди коюп келет, кыргыз жомокторунан баштап дүйнөлүк классикалык чыгармаларга чейин бар. Акыркы учурда ата-энелер балдарын көбүрөөк алып келип жатат. Балдар үчүн жомоктор кыргыз жана орус тилинде тартууланып, ата-энени, мекенди сүйүүгө үндөп, жаныбарлар аркылуу достукка, биримдикке, табиятты коргоого багытталат. Бирок театрдын шарты, имаратынын эскилиги жетип, оңдоп-түзөтүүгө муктаж болуп турат. Кышкысын жылытуу системасы жакшы иштебей балдар суукта жомок көрүшөт. Буюрса, кийинки жылы Куурчак театрынын 85 жылдык мааракеси белгиленет. Ошону эске алып өкмөт ремонт жасап берсе, балдар үчүн да, актёрлор үчүн да ыңгайлуу болмок", — деди Темирова.
Ошондой эле адис Кыргызстанда атайын куурчак ойнотуу өнөрүн үйрөтүүчү мектеп жок экендигин кошумчалады.
