https://sputnik.kg/20231008/izrail-uzakka-sozulchu-oor-sogushka-kirishti-1079233339.html
Израиль узакка созулчу оор согушка киришти. Өкмөттүн билдирүүсү
Израиль узакка созулчу оор согушка киришти. Өкмөттүн билдирүүсү
Sputnik Кыргызстан
Премьер-министр согуштун биринчи бөлүгү аяктап калганын белгилеген. 08.10.2023, Sputnik Кыргызстан
2023-10-08T12:16+0600
2023-10-08T12:16+0600
2023-10-08T12:17+0600
дүйнөдө
израиль
газа сектору
согуш
хамас
курал
аймак
https://sputnik.kg/img/07e7/0a/08/1079231530_141:499:2895:2048_1920x0_80_0_0_41b0bf51726a7529fa8221d47a5cb5bc.jpg
БИШКЕК, 8-окт. — Sputnik. Израилдин премьер-министри Биньямин Нетаньяху социалдык тармактагы баракчасына өлкө узакка созула турган согушка киришкенин жазды.Ошол эле учурда Израиль Газада дагы чабуулдук этапты баштаган, ал өлкө максатына жетмейинче тынымсыз уланат.Премьердин канцеляриясынын маалыматы боюнча, министрлер кабинети бир катар ыкчам чечимдерди кабыл алган. Алар ХАМАСтын жана "Ислам жихады"* топторунун аскердик-саясий аракеттерин жок кылууга багытталган."Көп жылдардан бери Израилдин жарандарын коркутуп, зыян келтирчү аракеттерин жок кылуу боюнча чечимдер кабыл алынды", — дешти канцеляриядан.Маалыматтарда айтылгандай, Тель-Авив Газа секторуна электр энергиясын берүүнү, күйүүчү май менен товар жеткирүүнү токтотуу боюнча чечим кабыл алган.Өз кезинде Израилдин коргоо министри Йоав Галант өлкөнүн бардык аймагына өзгөчө абал режимин киргизүүнү тапшырган.Жаңжалдын чоо-жайыИшемби күнү эртең менен Газа секторунан радикалдар Израилдин аймагына миңдеген ракета учурган. ХАМАС тобунун согушкерлери Израилдин чек арадагы райондоруна кирип барды деген маалымат тараган. Полициянын айтымында, алардын саны өлкө боюнча 14 жерде 60тан кем эмес.ХАМАСтын аскердик бөлүгү Израилге каршы "Потоп Аль-Аксы" деп аталган операция баштаганын жар салды. Анклавдан 5000 ракета кое берилген. Кыймыл өкүлүнүн айтымында, 35 израилдик аскер адамы туткунга алынган.Израилдин армиясы "Темир кылыч" аталышындагы контртеррордук операция башталганын билдирди. Ондогон истребителдер Газа секторундагы ХАМАСка сокку урууда. Бийлик Израиль согуш босогосунда турганын айтып, өлкөдө өзгөчө абал режими жарыяланды.Акыркы маалымат боюнча, кагылышуудан 300дөн ашуун израилдик каза таап, 1 864 киши жабыркаган. Ал эми Газа секторунда 232 адам көз жуумп, жабыркагандар 1,7 миң болду.
https://sputnik.kg/20231008/izraildegi-kagylyshuuda-kr-zharandary-zhok-1079231235.html
израиль
газа сектору
Sputnik Кыргызстан
media@sputniknews.com
+74956456601
MIA „Rossiya Segodnya“
2023
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, израиль, газа сектору, согуш, хамас, курал, аймак
дүйнөдө, израиль, газа сектору, согуш, хамас, курал, аймак
Израиль узакка созулчу оор согушка киришти. Өкмөттүн билдирүүсү
12:16 08.10.2023 (Жаңыртылды: 12:17 08.10.2023) Премьер-министр согуштун биринчи бөлүгү аяктап калганын белгилеген.
БИШКЕК, 8-окт. — Sputnik. Израилдин премьер-министри Биньямин Нетаньяху
социалдык тармактагы баракчасына өлкө узакка созула турган согушка киришкенин жазды.
"Биз ХАМАС тобунун кандуу кол салуусунан улам узакка созула турган татаал согушка киришип жатабыз. Учурда анын биринчи этабы аягына чыгып калды, анда биздин аймакка бастырып кирген душмандын көп бөлүгү жок кылынды", — деген Нетаньяху.
Ошол эле учурда Израиль Газада дагы чабуулдук этапты баштаган, ал өлкө максатына жетмейинче тынымсыз уланат.
Премьердин канцеляриясынын маалыматы боюнча, министрлер кабинети бир катар ыкчам чечимдерди кабыл алган. Алар ХАМАСтын жана "Ислам жихады"* топторунун аскердик-саясий аракеттерин жок кылууга багытталган.
"Көп жылдардан бери Израилдин жарандарын коркутуп, зыян келтирчү аракеттерин жок кылуу боюнча чечимдер кабыл алынды", — дешти канцеляриядан.
Маалыматтарда айтылгандай, Тель-Авив Газа секторуна электр энергиясын берүүнү, күйүүчү май менен товар жеткирүүнү токтотуу боюнча чечим кабыл алган.
Өз кезинде Израилдин коргоо министри Йоав Галант өлкөнүн бардык аймагына өзгөчө абал режимин киргизүүнү тапшырган.
Ишемби күнү эртең менен Газа секторунан радикалдар Израилдин аймагына миңдеген ракета учурган. ХАМАС тобунун согушкерлери Израилдин чек арадагы райондоруна кирип барды деген маалымат тараган. Полициянын айтымында, алардын саны өлкө боюнча 14 жерде 60тан кем эмес.
ХАМАСтын аскердик бөлүгү Израилге каршы "Потоп Аль-Аксы" деп аталган операция баштаганын жар салды. Анклавдан 5000 ракета кое берилген. Кыймыл өкүлүнүн айтымында, 35 израилдик аскер адамы туткунга алынган.
Израилдин армиясы "Темир кылыч" аталышындагы контртеррордук операция башталганын билдирди. Ондогон истребителдер Газа секторундагы ХАМАСка сокку урууда. Бийлик Израиль согуш босогосунда турганын айтып, өлкөдө өзгөчө абал режими жарыяланды.
Акыркы маалымат боюнча, кагылышуудан 300дөн ашуун израилдик каза таап, 1 864 киши жабыркаган. Ал эми Газа секторунда 232 адам көз жуумп, жабыркагандар 1,7 миң болду.
8 Тогуздун айы 2023, 11:14
