Спецоперация России по защите Донбасса - Sputnik Кыргызстан, 1920, 28.02.2022
Россиянын Донбассты коргоо боюнча атайын операциясы
Россия ДЭР, ЛЭРдин эркиндигин тааныды. 24-февралда Путин Донбасста атайын операция башталганын жарыялады. РФ Коргоо министрлиги Украинанын Куралдуу күчтөрүнүн аскердик инфратүзүмү, аэродромдору, абадан коргонуу объектилери талкалангандыгын кабарлаган.

ГЭС талкалангандан кийин Жаңы Каховканы суу каптап кетти

© AFP 2023 / SERGIY DOLLARКаховка ГЭСин жардыруунун айынат Херсон аймагын каптаган суу
Каховка ГЭСин жардыруунун айынат Херсон аймагын каптаган суу - Sputnik Кыргызстан, 1920, 06.06.2023
Жазылуу
Түндө украин армиясы Каховка ГЭСинин жогорку бөлүгүн "Ольха" залптык оттун реактивдүү тутуму менен аткылаган, натыйжада тээктер жабыркап, бирок дамбанын өзү аман калган.
БИШКЕК, 6-июн. — Sputnik. Украина күчтөрүнүн соккусунан Каховка ГЭСи кыйрап, Жаңы Каховка шаарын суу каптап кетти. Бул тууралуу шаар округунун башчысы Владимир Леонтьевдин маалыматына таянуу менен РИА Новости жазды.
"Карагылачы, эмне болуп жатканын... Шаар суу алдында калды", — деген чиновник "Россия 1" телеканалынын журналисттерине калааны терезеден көрсөтүп жатып.
Буга чейин ал Украина Куралдуу күчтөрү Днепрдин оң жээгинен аткылоосун улантып жатканын билдирген. Бийликтин алдында элди алып чыгып кетүү милдети турганын айткан болчу. Бул үчүн Днепрди бойлоп ылдый көздөй жайгашкан калктуу пунктулар электр түйүнүнөн өчүрүлүп жатканы белгиленген.
Каховка ГЭСи — Днепрдеги гидроэлектр станцияларынын каскадындагы алтынчы тепкич, Херсондогу Жаңы Каховка шаарынан беш чакырым аралыкта жайгашкан. Анын кыйроосу миңдеген адамдын өлүмүн шарттайт.
Россия буга чейин БУУнун Коопсуздук кеңешине украин аскерлеринин ГЭСти аткылоо боюнча чагымчыл аракеттерин токтотууну талап кылып, кат менен кайрылган.
Түндө украин армиясы Каховка ГЭСинин жогорку бөлүгүн "Ольха" залптык оттун реактивдүү тутуму менен аткылаган, натыйжада тээктер жабыркап, бирок дамбанын өзү аман калган. Ушу тапта суунун агымын көзөмөлдөөгө болбой жатат.
Леонтьевдин айтымында, ГЭС оңдоп-түзөөгө жатпайт, аны кайра башынан куруу керек. Суунун деңгээли айрым жерде 8 метрге чейин көтөрүлгөнү айтылууда. Мындан Каховка ГЭСинен төмөн жайгашкан 14 калктуу конуштун 22 миң тургуну жабыр тартышы мүмкүн. Ал эми Херсондун Киевдин карамагындагы бөлүгүндө суу сегиз конушту каптаган.
Украиналык жоокер Нью-Йорк кыштагындагы фронттун траншеясында баратат - Sputnik Кыргызстан, 1920, 06.06.2023
Россиянын Донбассты коргоо боюнча атайын операциясы
ЖМК: Пентагон Украинанын контрчабуулу башталганын так айта албай жатат
Жаңылыктар түрмөгү
0