https://sputnik.kg/20230101/zhkkunun-zha-y-bash-katchysy-kyzmatyna-kirishti-1071680475.html
ЖККУнун жаңы баш катчысы бүгүн кызматына киришти
ЖККУнун жаңы баш катчысы бүгүн кызматына киришти
Sputnik Кыргызстан
Тасмагамбетов ар кайсы жылдары Казакстандын премьер-министри, коргоо министри, Астана жана Алматы шаарларынын акими, Казакстандын Россиядагы элчиси болгон. 01.01.2023, Sputnik Кыргызстан
2023-01-01T16:18+0600
2023-01-01T16:18+0600
2023-01-01T16:45+0600
дүйнөдө
жкку
казакстан
имангали тасмагамбетов
https://sputnik.kg/img/07e6/0b/17/1070258744_368:67:1897:927_1920x0_80_0_0_cc2720942559dfef7eb85547d2e8e4f1.jpg
БИШКЕК, 1-янв. — Sputnik. Имангали Тасмагамбетов Жамааттык коопсуздук келишим уюмунун (ЖККУ) баш катчысынын кызматына киришти. Бул тууралуу Sputnik Казакстан жазды. Эске салсак, 2022-жылдын 23-ноябрында ЖККУнун Еревандагы саммитинде Тасмагамбетовду уюмдун башкы катчысы кылып дайындоо чечими кабыл алынган.Буга чейин аталган кызматты Беларустун Коопсуздук кеңешинин статс-катчысы Станислав Зась аткарып келген.Башкы катчы ЖККУнун эң жогорку административдик кызмат адамы болуп саналат жана катчылыкты башкарат. ЖККУнун уставына ылайык, башкы катчы уюмга кирген өлкөлөрдүн тышкы иштер министрлер кеңешинин сунушу менен үч жылга дайындалат.Казакстандын өкүлү эл аралык уюмду биринчи жолу жетектейт.Зась ЖККУнун 2022-жылга карата ишмердигинин жыйынтыгын чыгарып жатып Тасмагамбетовго ийгиликтерди каалады.Өмүр баяныИмангали Тасмагамбетов 1956-жылы Атырау облусунда төрөлгөн. А. С. Пушкин атындагы Урал педагогикалык институтунун табигый география факультетин география-биология адистиги боюнча бүтүргөн. Философия илимдеринин кандидаты, саясий илимдердин доктору.Эмгек жолун Атырау облусунун Махамбет айылындагы өспүрүмдөр спорт мектебинде машыктыруучу, Махамбет орто мектебинде география жана биология мугалими болуп иштөөдөн баштаган. Казакстан эгемендик алган алгачкы жылдары Жаштар иштери боюнча мамлекеттик комитеттин төрагасы болгон. Ал президенттин жардамчысы, 1995-1997-жылдары вице-премьер болуп иштеген. 1997-жылы вице-премьерлик кызматка Казакстандын Билим берүү жана маданият министрлигинин башчысынын милдеттери кошулган. 1997-1998-жылдары президенттик аппараттын жетекчисинин орун басары болуп иштеген.2004-жылдын аягынан 2008-жылдын апрелине чейин түштүк борборду жетектеген. Андан ары 2014-жылдын октябрына чейин Астана шаарынын мэри болуп, Казакстандын коргоо министри болуп дайындалган. 2016-жылдын 13-сентябрында Казакстандын вице-премьери кызматын аркалаган. 2017-2019-жылдары акыркы мамлекеттик кызмат орду Казакстандын Россиядагы элчиси болгон. Тасмагамбетов 2019-жылдын 18-декабрында жаш курагына байланыштуу пенсияга чыккан.
https://sputnik.kg/20221219/zhkku-kontingentin-keneytuu-plany-zhok-1071293080.html
казакстан
Sputnik Кыргызстан
media@sputniknews.com
+74956456601
MIA „Rosiya Segodnya“
2023
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
дүйнөдө, жкку, казакстан, имангали тасмагамбетов
дүйнөдө, жкку, казакстан, имангали тасмагамбетов
ЖККУнун жаңы баш катчысы бүгүн кызматына киришти
16:18 01.01.2023 (Жаңыртылды: 16:45 01.01.2023) Тасмагамбетов ар кайсы жылдары Казакстандын премьер-министри, коргоо министри, Астана жана Алматы шаарларынын акими, Казакстандын Россиядагы элчиси болгон.
БИШКЕК, 1-янв. — Sputnik. Имангали Тасмагамбетов Жамааттык коопсуздук келишим уюмунун (ЖККУ) баш катчысынын кызматына киришти. Бул тууралуу
Sputnik Казакстан жазды.
Эске салсак, 2022-жылдын 23-ноябрында ЖККУнун Еревандагы саммитинде Тасмагамбетовду уюмдун башкы катчысы кылып дайындоо чечими кабыл алынган.
Буга чейин аталган кызматты Беларустун Коопсуздук кеңешинин статс-катчысы Станислав Зась аткарып келген.
Башкы катчы ЖККУнун эң жогорку административдик кызмат адамы болуп саналат жана катчылыкты башкарат. ЖККУнун уставына ылайык, башкы катчы уюмга кирген өлкөлөрдүн тышкы иштер министрлер кеңешинин сунушу менен үч жылга дайындалат.
Казакстандын өкүлү эл аралык уюмду биринчи жолу жетектейт.
Зась ЖККУнун 2022-жылга карата ишмердигинин жыйынтыгын чыгарып жатып Тасмагамбетовго ийгиликтерди каалады.
"Биздин уюмда эң жогорку кызмат адамы мыкты жетекчи, мамлекеттик ишмер, чоң турмуштук жана башкаруучулук тажрыйбасы бар адам болгонуна абдан кубанычтамын. Ага ийгиликтерди каалайм", — деди ал Москвадагы Sputnik мультимедиалык маалымат борборунда өткөн маалымат жыйынында.
Имангали Тасмагамбетов 1956-жылы Атырау облусунда төрөлгөн. А. С. Пушкин атындагы Урал педагогикалык институтунун табигый география факультетин география-биология адистиги боюнча бүтүргөн. Философия илимдеринин кандидаты, саясий илимдердин доктору.
Эмгек жолун Атырау облусунун Махамбет айылындагы өспүрүмдөр спорт мектебинде машыктыруучу, Махамбет орто мектебинде география жана биология мугалими болуп иштөөдөн баштаган. Казакстан эгемендик алган алгачкы жылдары Жаштар иштери боюнча мамлекеттик комитеттин төрагасы болгон. Ал президенттин жардамчысы, 1995-1997-жылдары вице-премьер болуп иштеген. 1997-жылы вице-премьерлик кызматка Казакстандын Билим берүү жана маданият министрлигинин башчысынын милдеттери кошулган. 1997-1998-жылдары президенттик аппараттын жетекчисинин орун басары болуп иштеген.
2004-жылдын аягынан 2008-жылдын апрелине чейин түштүк борборду жетектеген. Андан ары 2014-жылдын октябрына чейин Астана шаарынын мэри болуп, Казакстандын коргоо министри болуп дайындалган. 2016-жылдын 13-сентябрында Казакстандын вице-премьери кызматын аркалаган. 2017-2019-жылдары акыркы мамлекеттик кызмат орду Казакстандын Россиядагы элчиси болгон. Тасмагамбетов 2019-жылдын 18-декабрында жаш курагына байланыштуу пенсияга чыккан.
19 Бештин айы 2022, 18:40
