Эртең борбордук бир нече көчө 7 саатка жабылат. Убактысы, себеби

© Sputnik / Акылбек БатырбековБишкектеги "Ала-Тоо" аянты. Архив
Бишкектеги Ала-Тоо аянты. Архив - Sputnik Кыргызстан, 1920, 30.06.2022
Жазылуу
"Ала-Тоо" аянтында лотерея ойнотулуп, көрүүчүлөр концертке жана кызыктуу шоу-программага күбө болушат.
БИШКЕК, 30-июн. — Sputnik. Бишкекте Чүй проспекти Панфилов көчөсүнөн Эркиндик бульварына чейин жабылат. Бул туурасында өкмөттүн маалымат кызматынан кабарлашты.
Бул "Чек талап кылып байге утуп ал!" лотереясын ойноткон иш-чарадан улам болууда. Борбордук аянттын айланасына саат 17:00дөн 00:00гө чейин автоунаалар жакын келип токтой алышпайт.
Эртең, 1-июлда, "Ала-Тоо" аянтында лотерея ойнотулат, анда көрүүчүлөр концертке жана кызыктуу шоу-программага күбө болушат. Алгачкы турда эки автоунаа, 10 iPhone, 10 смартфон, 25 ар кандай тиричилик техникасы жана башка баалуу байгелерди утуп алуу мүмкүн.
Бул акция ишкерлерге кассалык көзөмөл тартибин камсыздоо, аларды ар бир соода кылган же кызмат көрсөткөн сайын касса чегин сөзсүз берүүгө көндүрүү максатын көздөйт.
Салык чек мобилдик тиркемеси - Sputnik Кыргызстан, 1920, 28.06.2022
Чек бербей жатат. "Салык чек" лотереясына катышкандардан 4,7 миң даттануу түштү
Жаңылыктар түрмөгү
0