Эрдоган: Түркия Финляндия менен Швециянын НАТОго кирүүсүнө макул боло албайт

© AFP / MURAT KULAТүркия президенти Режеп Тайип Эрдоган. Архив
Түркия президенти Режеп Тайип Эрдоган. Архив - Sputnik Кыргызстан, 1920, 17.05.2022
Жазылуу
Буга чейин өлкөнүн тышкы иштер министри Анкара эки өлкөнүн альянска кошулушу боюнча соодалашпай турганын, бул боюнча өзүнүн бекем позициясы бар экенин билдирген.
БИШКЕК, 17-май — Sputnik. Түркия президенти Режеп Тайип Эрдоган брифингде Анкара Финляндия менен Швециянын НАТОнун курамына киришине макул боло албай турганын айтты. Бул тууралуу РИА Новости жазган.
"Биз "ооба" дей албайбыз. Анда НАТО коопсуздук уюму болуудан калып, террорчулардын өкүлдөрү чогулган жайга айланат. Таарынышпасын, бирок макул боло албайбыз", — деди Эрдоган.
Ал Түркия кетирген катачылыгын улам кайталай бербей турганын белгилеген.
"Буга чейин Греция НАТОдон чыгып, кайра кирди. Эми мен элиме суроо узатып жатам: башка мамлекеттер Грецияга колдоо көрсөтүп жатабы? Көрсөтүп жатат. База түзүп жатышабы? Түзүп жатышат. Биз кантип аларга ишенебиз. Швеция — террорчулуктун очогу, парламентинде Күрдстан жумушчу партиясынын (Түркияда тыюу салынган — ред.) террорчулары отурат. Кантип ишенебиз?" — деди президент.
Анын айтымында, Финляндия менен Швециянын делегациялары Түркияга келгени жатышат, бирок бул нерсе Анкаранын оюн өзгөртө албайт.
Буга чейин өлкөнүн тышкы иштер министри Мевлют Чавушоглу Анкара эки өлкөнүн альянска кошулушу боюнча соодалашпай турганын, бул жаатта террорчулар менен кызматташууну толук токтотуу жана Түркияга курал жеткирүүдөгү тоскоолдуктарды жоюу шарты каралган бекем позициясы бар экенин билдирген.
Брюсселдеги НАТОнун штаб-квартирасы. Архив - Sputnik Кыргызстан, 1920, 16.05.2022
Рябков: Швеция менен Финляндиянын НАТОго кириши кезектеги кесепеттүү ката болот
Жаңылыктар түрмөгү
0