Рябков: Швеция менен Финляндиянын НАТОго кириши кезектеги кесепеттүү ката болот

© AFP 2022 / KENZO TRIBOUILLARDБрюсселдеги НАТОнун штаб-квартирасы. Архив
Брюсселдеги НАТОнун штаб-квартирасы. Архив - Sputnik Кыргызстан, 1920, 16.05.2022
Жазылуу
Yandex newsTelegram
РФ ТИМи Швеция, Финляндия коопсуздугу НАТОго киргенден кийин бекемделбестигин, ал эми дүйнөдөгү кырдаал кескин өзгөрөрүн айтты.
БИШКЕК, 16-май — Sputnik. Швеция, Финляндиянын Түндүк атлантикалык альянска киришинин кесепети дагы көп жылга созула турган кезектеги ката болмокчу. Бул туурасында Россия ТИМинин жетекчинин орун басары Сергей Рябков айткандыгын РИА Новости жазды.
Анын айтымына караганда, Швеция, Финляндия коопсуздугу НАТОго киргенден кийин бекемделбейт, ал эми дүйнөдөгү кырдаал радикалдык түрдө өзгөрөт.
"Швеция менен Финляндиянын НАТОго киришине Россия макул болуп, моюн сунуп калат деген иллюзия эч кимде болбошу керек", — деген Рябков.
Кечээ Швеция менен Финляндия Түндүк атлантикалык альянска кире турганы боюнча биринин-артынан экинчиси маалымат таратты. Бирок буга НАТОго мүчө болгон бир катар өлкөлөр, анын ичинен Италия нааразылыгын, Түркия каршы экендигин билдирген.
Эскерте кетсек, Стокгольм менен Хельсинки көп жылдык нейтралдуулуктан баш тартып, НАТОго кирүү мүмкүнчүлүгү боюнча кеп кыла баштаган эле. Альянстын башкы катчысы Йенс Столтенберг бул мамлекеттер аскердик блокко кирүүнү кааласа НАТО аларды тез кабыл алууну камсыздай турганын билдирген. АКШнын НАТОдогу туруктуу өкүлү Жулиан Смиттин айтымында, уюм Швеция менен Финляндия жакынкы айларда же жумада альянска кирүү боюнча өз алдынча чечим чыгарат деп күтүүдө. Ал Кошмо Штаттар бул мамлекеттердин НАТОго кошулуу чечимин колдой турганын кошумчалаган.
Россия эки өлкөнүн НАТОго кошулушун колдобойт. РФтин Коопсуздук кеңешинин төрагасынын орун басары Дмитрий Медведев эгер бул нерсе ишке аша турган болсо, чек араны бекемдөөгө туура келерин айткан. Себеби альянстын Россия менен болгон кургактагы чек арасы эки эсе узаргандыктан Москва НАТОнун агрессивдүү аракеттерине даяр турушу керек болот.
Швециянын оппозициячыл партиясынын башчысы Нуши Дадгостар. Архив - Sputnik Кыргызстан, 1920, 16.05.2022
Швециянын оппозиция лидери өлкө эмне үчүн НАТОго кирбеши керектигин түшүндүрдү
Жаңылыктар түрмөгү
0