Утулган партия жок. Үч шаардык кеңештеги шайлоонун болжолдуу жыйынтыгы

© Sputnik / Табылды КадырбековКыз шайлоо учурунда. Архив
Кыз шайлоо учурунда. Архив - Sputnik Кыргызстан, 1920, 11.04.2022
Жазылуу
Yandex newsTelegram
Шайлоодо ат салышкан партиялардын бардыгы жети пайыздык босого чектен өттү. Бирок үч шаарда тең добуш бергендердин саны 40 пайыздан ашкан жок.
БИШКЕК, 11-апр. — Sputnik. Таш-Көмүр, Кара-Балта жана Токтогул шаардык кеңештеринин депутаттарын шайлоонун болжолдуу жыйынтыгы боюнча утулган партия болгон жок.
Борбордук шайлоо комиссиясы автоматтык түрдө санаган урнанын маалыматтарын жарыялады. Белгилей кетсек, бул расмий жыйынтык эмес, добуштар кол менен да саналат.
АСУнун эсебинде ат салышкан партиялардын бардыгы жети пайыздык босого чектен өттү.

Кара-Балта шаардык кеңеши

Шаарда шайлоочулардын саны 30 968 болсо, 10 926 (35,28 пайыз) киши добуш берди. Жараксыз деп 98 бюллетень табылган.
Партиялар алган добуштардын саны:
"Ишеним" — 23,66 пайыз;
"Күчтүү коом" — 19,73;
"Социал-демократтар" — 16,90;
"Ыйман нуру" — 14,26;
"Альянс" — 13,99;
"Эл аман" — 9,09;
баарына каршы — 1,46 пайыз.

Таш-Көмүр шаардык кеңеши

Калаада шайлоочулардын саны 24 889 болгону менен 7 703 (30,95 пайыз) адам гана добуш берүүгө катышты. 43 бюллетень (0,56 пайыз) жараксыз деп табылган.
Партиялар канча добуш алды:
"Жаштар" — 45,35 пайыз;
"Ата-Журт Кыргызстан" — 38,50;
"Ынтымак" — 14,62;
баарына каршы — 0,97 пайыз.

Токтогул шаардык кеңеши

Шаарда 12 991 адам добуш берүү укугуна ээ. Шайлоого 4 645 (35,76 пайыз) адам келди. 29 бюллетень (0,62 пайыз) жараксыз болуп калган.
Канча партия канча добуш алды:
"Ата-Журт Кыргызстан" — 18,47 пайыз;
"Тынчтык" — 15,74;
"Ынтымак" — 15,05;
"Бирге" — 13,43;
"Мекен ынтымагы" — 12,70;
"Ишеним" — 11,80;
"Эл үмүтү" — 11,60;
баарына каршы — 0,58 пайыз.
Үч шаардык кеңешке жалпысынан 93 депутат шайланышы керек, 13 партиядан 827 талапкер катталган.
Депутат Шайлообек Атазов - Sputnik Кыргызстан, 1920, 06.04.2022
Шайлообек Атазов парламентке келип ант берди
Жыйындагы депутат. Архив - Sputnik Кыргызстан, 1920, 05.04.2022
Диплом текшергенден кийин 40 кызматкер иштен кетти. Учурда кимдер шектелүүдө?
Жаңылыктар түрмөгү
0